Прэзідэнты Уладзімір Пуцін Барак Абама абмяняліся поціскам рукі на саміце G20 у турэцкай Антальі, паведамляе РІА Новості.
Лідары дзвюх краін таксама пагутарылі перад сумесным фатаграфаваннем. Масква не выключае, што яны змогуць пагутарыць у рамках мерапрыемстваў у Турцыі, аднак фармальна сустрэча Пуціна і Абамы на саміце G20 ня ўзгаднялася.
Пазней размова прэзідэнтаў адбылася падчас паўзы паміж сустрэчай кіраўнікоў дзяржаў BRICS і рабочым паседжаннем саміту G20. Гутарка двух палітыкаў працягвалася каля 20 хвілін, побач з Пуціным і Абамам знаходзіліся толькі перакладчыкі.
Як паведамляе Reuters, лідары краін G20 дамовіліся ўзмацніць ахову межаў і павысіць авіяцыйную бяспеку ў сувязі з тэрактамі ў Парыжы.
У паведамленні гаворыцца, што лідары краін асудзілі тэракты ў Францыі і заявілі, што працягнуць сумесную барацьбу з тэрарызмам.
У праграме саміту, дзе павінны абмяркоўвацца пытанні эканомікі і змены клімату, зменаў няма. Аднак, як паведаміла брытанская газета The Guardian са спасылкай на свае крыніцы, на G20 будзе абмяркоўвацца пытанне аб супрацьдзеянні пранікненню баевікоў ІД ў Еўропу пад выглядам бежанцаў.
На сустрэчу не прыедзе прэзідэнт Францыі Франсуа Алянд, які спаслаўся на неабходнасць сваёй прысутнасці ў Парыжы ў трагічны для краіны момант.
Цяпер чытаюць
Бяспалаў намаляваў людзей са сцягамі ў цэнтры Мінска і адправіў фота ў міліцыю. З’ехаліся тры машыны з мігалкамі32
Каментары