Ва Украіне ў нядзелю, 25 кастрычніка, пачалося галасаванне на чарговых мясцовых выбарах. Выбарчыя ўчасткі адчыненыя з 8.00, і выбаршчыкі змогуць прагаласаваць да 20.00.
Увогуле галасаванне адбудзецца на 33 тыс. выбарчых участкаў.
На цяперашніх выбарах выбіраюць мэраў 358 гарадоў абласнога і раённага значэння, прычым у гарадах з колькасцю выбаршчыкаў звыш 90 тыс чалавек (па дадзеных ЦВК іх налічваецца 38) яны адбудуцца ў два туры, калі ў першым туры ні адзін з кандыдатаў не набярэ 50% галасоў.
Мэры гарадоў і сельскія ды пасялковыя галовы, а таксама дэпутаты сельскіх і пасялковых саветаў абіраюцца па мажарытарнай сістэме.
Дэпутатаў абласных, раённых, гарадскіх і раённых у гарадах саветаў (у цэлым гэта 869 мясцовых саветаў) выбіраюць па прапарцыйнай сістэме з адкрытымі партыйнымі спісамі.
Усяго ва Украіне адбываецца каля 20 тыс. выбараў дэпутатаў мясцовых саветаў і сельскіх, пасялковых, гарадскіх галоў.
Згодна з законам, афіцыйныя вынікі выбараў сельскіх, пасялковых і гарадскіх галоў, а таксама дэпутатаў сельскіх і пасялковых саветаў адпаведныя тэрытарыяльныя камісіі павінны падвесці да 30 кастрычнiка; дэпутатаў абласных, раённых, гарадскіх і раённых у горадзе саветаў - да 4 лістапада, яшчэ пяць дзён адводзіцца на іх публікацыю.
Асаблівасцю цяперашняга волевыяўлення з'яўляецца тое, што ўпершыню выбары дэпутатаў абласных, раённых, гарадскіх і раённых у горадзе саветаў будуць праводзіцца па так званай прапарцыйнай сістэме з адкрытымі партыйнымі спісамі.
Цяпер чытаюць
За мінулы год насельніцтва Беларусі скарацілася яшчэ на 53 тысячы чалавек4
За мінулы год насельніцтва Беларусі скарацілася яшчэ на 53 тысячы чалавек
«Трэба сесці і размаўляць. Калі не атрымліваецца — устаць і пайсці». Коўл заявіў пра неабходнасць дыялогу паміж Беларуссю і Літвой на ўзроўні міністраў замежных спраў1717
Каментары