У Хабараўску ў гімназіі нумар 5 адкрыўся клас расійска-карэйскай дружбы, упрыгожаны партрэтамі прэзідэнта РФ Уладзіміра Пуціна і лідараў Паўночнай Карэі Кім Ір Сена і Кім Чэн Іра, паведамляе meduza.io co спасылкай на vostokmedia.com.
На ўрачыстай цырымоніі адкрыцця класа дружбы 1 верасня прысутнічалі мэр Хабараўска Аляксандр Сакалоў і кіраўнік мясцовай канцылярыі генеральнага консульства КНДР на Далёкім Усходзе Мун Хо.
На пытанне журналістаў, ці не стануць класы дружбы ў хабараўскіх школах крыніцай паўночнакарэйскай прапаганды, Мун Хо адказаў: «Мы хочам, каб дзеці проста пазнаёміліся праз розныя матэрыялы з нашай рэальнасцю. Сапраўдная рэчаіснасць паказвае, як у жыццё увасоблены ідэі чучхэ. Таму не трэба іншага тлумачэння няма, проста дзеці на свае вочы глядзяць і самі разумеюць. І гэтага дастаткова».
Кабінет аформлены ў духу ідэй чучхэ: нічога лішняга. Галоўным упрыгожваннем, паводле задумы арганізатараў, павінны служыць партрэты правадыроў. Чамусьці ў шэрагу двух першых лідараў аднаго з самых закрытых палітычных рэжымаў на планеце размешчаны вобраз прэзідэнта Расіі Уладзіміра Пуціна.
Цяпер чытаюць
Рыта Дакота ўпершыню распавяла, за што беларускія сілавікі схапілі яе маці ў 2022 годзе5
Каментары