Каліноўскі — наш нацыянальны герой, а Быкаў — культавы пісьменнік, мяркуе галкіпер ФК «Дынама» Брэст
Галкіпер брэсцкага «Дынама» Дзмітрый Дудар назваў чалавека, якога лічыць нацыянальным героем Беларусі.
— Ты казаў, што твой любімы выканаўца — Ягор Летаў, любімы пісьменнік — Васіль Быкаў, гістарычная асоба — Кастусь Каліноўскі. Уражвае дыяпазон інтарэсаў. Адкуль гэтак пахвальныя густы і шырокі кругагляд?
— Я ж родам з Гродна. А горад у нас высокакультурны, працяты беларускай аўрай. Акрамя таго, я вучыўся ў гімназіі. І калі б не трапіў у юнацкую зборную, напэўна з галавой пагрузіўся б у вучобу і звязаў будучыню з юрыдычнай дзейнасцю. Задаткі меліся, пастаянна ўдзельнічаў у розных алімпіядах.
Калі быў у дублі мінскага «Дынама», паступіў на юрфак БДУ і паўтара года правучыўся нават на дзённым аддзяленні. А людзі, якіх пералічыў у анкеце … Для мяне гэта — глыбы. Часта слухаю Летава, Цоя, граю іх музыку на гітары. Каліноўскі — наш нацыянальны герой. Быкаў — культавы пісьменнік вялізнага маштабу, з грамадзянскай пазіцыяй. На жаль, у Беларусі мала пра гэта кажуць. Нацыянальная культура і самасвядомасць у заняпадзе. Гэта ненармальна», — сказаў Дудар.
Цяпер чытаюць
Сям’ю з дзіцём не пусцілі есці ўнутры кавярні піцу навынас. «Гараж» апраўдваецца, інтэрнэт спрачаецца8
Сям’ю з дзіцём не пусцілі есці ўнутры кавярні піцу навынас. «Гараж» апраўдваецца, інтэрнэт спрачаецца
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца1414
Каментары