Не так даўно ў інтэрнэце набыла вялікую папулярнасць акцыя літоўскіх мастачак, пра якую ўжо пісала «Наша Ніва» — слязлівыя партрэты тых літоўскіх мужчын, якія не хочуць служыць у войску, як рэакцыя на ўвядзенне абавязковай службы ў Літве.
Ліга абароны Эстоніі (Kaitseliit) зладзіла адказ на гэтую акцыю. Ён уяўляе сабой партрэты мужчын і жанчын розных заняткаў і прафесій, якія служаць добраахвотнікамі.
Эстонцы звярнуліся да сваіх балтыйскіх суседзяў з наступным тэкстам:
«Паважаныя літоўскія сябры,
Вашы 14 моцных партрэтаў мужчын, якія выказваюць свае пачуцці ў адносінах да тэрміновай службы, аказаліся насамрэч вельмі моцнымі, але, магчыма, не такім чынам, як вы планавалі.
Мы абодва маленькія, свабодалюбныя народы, якія жывуць у небяспечным суседстве. Толькі наша рашучасць, наша любоў да свабоды і нашага ладу жыцця, нашага дома і блізкіх могуць адстаяць мір і свабоду для нас і нашых дзяцей.
Для гэтага важна быць гатовым рашуча абараняць нашу свабоду.
Ліга абароны Эстоніі з’яўляецца добраахвотнай ваеннай арганізацыяй, якая складаецца з людзей, як я і ты, людзей, якія вырашылі выдаткаваць частку свайго часу на служэнне сваёй краіне. Мы вучымся і трэніруемся, каб потым зняць нашы мундзіры і працягнуць наша жыццё як настаўнікі, кіроўцы, юрысты, архітэктары і г.д. Мы лічым, што лепшым адказам на сілы, якія грунтуюцца на страху і агрэсіі, з’яўляецца добрая падрыхтоўка, а затым ужо можна пераходзіць да нашага звычайнага жыцця.
Мы зрабілі гэтыя 16 партрэтаў, каб падтрымаць вас і сказаць: вы не павінны быць вялікім спецыялістам па ўзбраенні, вам не трэба даказваць сваю мужнасць, штурмавая вінтоўка або гранатамёт не павінны вельмі вам падабацца.
Вы проста павінны любіць свабоду!
Лаўры і Каўпа,
ад імя нашых сяброў, грамадзян Эстоніі і сяброў Лігі абароны».
Ліга абароны Эстоніі дзейнічае з 1918 года. На цяперашні момант гэта добраахвотная ваенізаваная арганізацыя, якая ўваходзіць у склад Сілаў абароны Эстоніі. Арганізацыя мае таксама жаночае і дзіцячае аддзяленне. Агульная колькасць сяброў налічвае каля 20 тысяч чалавек.
Цяпер чытаюць
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы72
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца1414
Каментары