Моладзевага актывіста з Гомеля Зьмітра Жалезьнічэнку сёньня адправілі на тэрміновую службу ў Жлобін у чыгуначныя войскі (в/ч — 83469).
«Камісія не зьвярнула на гэтую даведку ніякай увагі. Сказалі, што ён прайшоў мэдагляд яшчэ ў лістападзе, і тады быў здаровым», — кажа Ала Фёдараўна.
Варта нагадаць, што літаральна за тры дні да гэтага, 22 студзеня, рэктар Гомельскага дзяржаўнага ўнівэрсытэту Аляксандар Рагачоў падпісаў загад аб паўторным адлічэньні з ВНУ студэнта 3‑га курсу матэматычнага факультэту Зьмітра Жалезьнічэнкі. Перад гэтым, 16 студзеня, суд Цэнтральнага раёну Гомеля прызнаў незаконным ягонае першае адлічэньне з ВНУ ў верасьні 2007 году. Такім чынам, хлопец прабыў студэнтам менш за тыдзень. Ён зноў зьбіраўся праз суды абскарджваць паўторнае выключэньне з унівэрсытэту.
Сёньня Зьміцер, пратэстуючы супраць незаконнага адлічэньня з унівэрсытэту ды адпраўкі ў войска, абвясьціў бестэрміновую галадоўку. Ён адразу ж паведаміў аб гэтым у прызыўную камісію і ў Міністэрства абароны.
«Ня ведаю, ці атрымаецца ў яго што‑небудзь з гэтага, — кажа ягоная маці. — У нядзелю, напэўна, паеду ўжо да яго ў ваенную частку на сустрэчу».
Цяпер чытаюць
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы80
Каментары