Ад 1 красавіка павялічыцца базавая арэндная велічыня.
Згодна з пастановай Cаўміна, ад 1 красавіка базавая арэндная велічыня павялічыцца да 119 тыс. рублёў або на 16,7%. Ад гэтага вырастуць і цэны на квіткі на канцэрты, робіць выснову tuzin.fm.
Арэндная стаўка вырасце для памяшканняў, што знаходзяцца ў дзяржаўнай уласнасці, у тым ліку для канцэртных пляцовак, што арандуюцца ў дзяржавы.
Кампенсаваць рост арэнднай велічыні ўладальнікі пляцовак хутчэй за ўсё вырашаць за кошт арганізатараў мерапрыемстваў, а тыя — за кошт наведнікаў.
Павелічэнне цэн на квіткі не залежыць наўпрост ад арэнднай стаўкі, таму прадказаць, наколькі даражэйшымі стануць канцэрты для слухачоў, немагчыма.
У некаторых сегментах, дзе стаўкі выстаўляюцца ў еўра, адбываецца наадварот зніжэнне арэндных велічыняў. У прыватнасці, тое адбываецца ў рэстаранным бізнесе дзеля кампенсацыі страт ад снежаньскага крызісу.
18‑гадовы курсант Вайсковай акадэміі з Ляхавіч нікому нічога не сказаў, забраў дакументы і паехаў ваяваць за Расію. Цяпер па ім плачуць48
Каментары