Мінскія гарвыканкам і аблвыканкам дазволілі Кансерватыўна-хрысціянскай партыі — БНФ правесці 2 лістапада, у Дзень памінання продкаў Дзяды, шэсце па Мінску, а таксама мітынг у месцы масавага пахавання ахвяр рэпрэсій ва ўрочышчы Курапаты.
Аб гэтым паведаміў намеснік старшыні КХП-БНФ Юрась Беленькі.
Збор прызначаны на 10.30 каля будынка Мінскага гадзіннікавага завода на праспекце Незалежнасці.
Плануецца, што калона пачне шэсце па тратуары ў 11.00 і прыбудзе ў Курапаты да 14.30, пасля чаго пачнецца мітынг. «Маршрут шэсця і месца мітынгу традыцыйныя. Мы нічога не мянялі: аб маршруце ведаюць людзі, улады яго адпрацавалі за шмат гадоў», — адзначыў Беленькі.
Цяпер чытаюць
«Фемінізм у маім выпадку перамог». Вераніка Станкевіч — пра дапамогу палітвязням у «Вольных» і планы на вяселле з Івуліным13
Каментары