Жарт маладых прыхільнікаў былога італьянскага прэм'ер-міністра Сільвіё Берлусконі выклікаў палітычны скандал.
У аўторак раніцай на многіх будынках у цэнтры Неапаля з'явіліся традыцыйныя для Італіі жалобныя аб'явы. У іх паведамлялася: «Ва ўзросце 45 гадоў ад нас пайшоў былы следчы, мэр Неапаля Луіджы Дэ Маджыстрыс. Пра гэта з жалем паведамляюць жонка, браты, сёстры, пляменнікі і сваякі. Пахаванне адбудзецца 1 красавіка ў 10.30 раніцы ў Палаца Сан Джакома».
Як паведамляе РІА «Новости», такі жарт выклікаў абурэнне ў шматлікіх прыхільнікаў Луіджы Дэ Маджыстрыса, які праславіўся ў Італіі бескампраміснай барацьбой з неапалітанскай мафіяй і палітычнай карупцыяй. Яны лічаць, што гэта была акцыя запалохвання. Мэр Неапаля таксама такой думкі. Ён адзначыў, што не скардзіцца на здароўе ды верыць, што такія аб'явы толькі працягваюць жыццё.
18‑гадовы курсант Вайсковай акадэміі з Ляхавіч нікому нічога не сказаў, забраў дакументы і паехаў ваяваць за Расію. Цяпер па ім плачуць48
Каментары