У вёсцы Лотва Шклоўскага раёна ў выніку начнога пажару згарэлі тры мужчыны. Па падазрэнні ў падпале затрымана жыхарка вёскі Міхайлаў Шклоўскага раёна.
Паводле інфармацыі Магілёўскага абласнога ўпраўлення МНС і УУС Магілёўскага аблвыканкама, пажар адбыўся ў ноч на 20 кастрычніка. Загарэўся аднапавярховы драўляны дом, у якім у момант узгарання знаходзіліся, як мяркуецца, гаспадар дома 1972 года нараджэння, які жыў разам са сваім братам 1963 года нараджэння, прапісаным у Магілёве, а таксама іх госць, 29-гадовы мясцовы жыхар.
Пакуль генетычная экспертыза дакладна не ўстанавіла асобы загінулых, паведаміла афіцыйны прадстаўнік УСК па Магілёўскай вобласці Аксана Салянюк.
Акрамя таго, пакуль не ўстаноўлена і сапраўдная прычына пажару.
Разам з тым ужо вядома, што дом загарэўся знутры, адзначыла Салянюк. Таксама, паводле даных следства, усе трое разам выпівалі і з імі была 43-гадовая жанчына. Менавіта яна і затрымана цяпер як падазраваная ва ўчыненні злачынства на падставе артыкула «наўмысныя знішчэнне або пашкоджанне маёмасці». Крымінальная справа па ўказаным артыкуле была распачата 21 кастрычніка Шклоўскім раённым аддзелам СК.
Затрыманая пакуль не ў стане расказаць пра дэталі здарэння з прычыны моцнага алкагольнага ап'янення.
Паводле слоў Салянюк, магчыма, гэта жанчына, якая злоўжывае спіртным, наогул не мае ніякага дачынення да пажару. «Вінаваціць кагосьці мы не можам, таму што ў нас няма доказнай базы», — адзначыла прадстаўнік УСК.
-
У Пружанах са стралянінай затрымлівалі кіроўцу без правоў
-
«Дзяўчына недзе праз сем секунд ужо пікіравала без пілота». Сябар дэльтапланерыста, які разбіўся ў Строчыцах, расказаў, што прывяло да трагедыі
-
«Парваў сабе дыяфрагму і кішкі, наноў вучыўся хадзіць». Унук аўтара «Калыханкі» Васіля Раінчыка распавёў, як трапіў у страшную аварыю
Цяпер чытаюць
Першы беларускі пашпарт з «Пагоняй» атрымаў Лукашэнка, а другі — школьнік Юрый Чарняк. Як склаўся лёс хлопца?7
Каментары