Міжнародны дзень аховы помнікаў і гістарычных мясцін заснаваны ў 1983 ІКАМОС, Міжнародным саветам па пытаннях аховы помнікаў і славутых мясцінаў, святкуецца з 1984-га кожнага 18 красавіка.
Беларускае добраахвотнае таварыства аховы помнікаў гісторыі і культуры традыцыйна сустракае гэты дзень мерапрыемствамі — пазнавальнай экскурсіяй, валанцёрскай талакой, круглым сталом ці іншай ініцыятывай.
У гэтым годзе сябры грамадскага аб’яднання запланавалі чарговую талаку па добраўпарадкаванню рыма-каталіцкіх могілак побач з руінамі былога дамініканскага касцёла ў мястэчку Зембін Барысаўскага раёна.
«Але прырода ўносіць свае карэктывы, і позняя зіма, і вясна, якая па сапраўднаму яшчэ не пачалася, не хочуць пускаць нас на працы 20 красавіка, пра якія мы самаўпэўнена ўжо паспелі абвесціць» — гаворыцца ў паведамленні Таварыства аховы помнікаў.
Таму прынята рашэнне пра адсоўванне талакі на больш позні тэрмін, а менавіта на 18 мая, да Міжнарподнага дня музеяў, дня, які прысвечаны скарбніцам па захаванню і экспанаванню рухомых помнікаў, рухомых культурных здабыткаў.
Акрамя таго, Таварыства аховы помнікаў пры падтрымцы агульнанацыянальнай кампаніі «Будзьма беларусамі» падрыхтавала да выпуску мультымедыйны дыск.
На дыску прэзентавана праца архітэктурнай секцыі — даследчыя праекты і архітэктурныя праектныя прапановы, праца над якімі вялася ў 2010 – 2012-м гг. Гэта матэрыялы па цэламу шэрагу, як існуючых, так і страчаных гісторыка-культурных аб’ектаў Мінска, Бярэсця, Магілёва, па аб’ектах жыдоўскай культурнай спадчыны.
Дыск будзе разасланы па архіўных, музейных і бібліятэчных установах, перададзены для карыстання партнёрскім арганізацыям, як у Беларусі, так і за яе межамі, будзе распаўсюджвацца на прэзентацыях, якія плануюцца не толькі ў Мінску, але і ў іншых населеных пунктах Беларусі, і інфармацыя аб правядзенні якіх будзе дадаткова размяшчацца ў сродках масавай інфармацыі.
Цяпер чытаюць
18‑гадовы курсант Вайсковай акадэміі з Ляхавіч нікому нічога не сказаў, забраў дакументы і паехаў ваяваць за Расію. Цяпер па ім плачуць44
Каментары