Двухразовы алімпійскі чэмпіён па барацьбе Армен Назар’ян абвясціў галадоўку ў знак пратэсту супраць рашэння Міжнароднага алімпійскага камітэта выключыць барацьбу з алімпійскай праграмы [з 2020 г.].
«Я выказваю галадоўкай пратэст супраць рэкамендацыі выканкама МАК. Барацьба заўсёды была ў алімпійскай праграме і няправільна яе выключаць», — растлумачыў Назар’ян у заяве, апублікаванай на сайце Федэрацыі спартыўнай барацьбы Расіі.
Назар’ян паабяцаў не есці і толькі піць сіроп да 22 сакавіка, калі ў Тбілісі пачнецца чэмпіянат Еўропы па барацьбе.Паводле яго слоў, да галадоўкі далучыцца і галоўны трэнер зборнай Балгарыі па вольнай барацьбе.
У 1996 годзе спартсмен заваяваў залаты медаль Алімпійскіх гульняў у Атланце, выступаючы пад сцягам Арменіі.
Пазней ён пераехаў у Балгарыю і цяпер выступае за гэтую краіну. У 2000 годзе ён зноў стаў залатым медалістам Алімпійскіх гульняў.
Акрамя гэтага, ён з’яўляецца трохразовым чэмпіёнам свету і шасціразовым чэмпіёнам Еўропы.
Цяпер чытаюць
Сям’ю з дзіцём не пусцілі есці ўнутры кавярні піцу навынас. «Гараж» апраўдваецца, інтэрнэт спрачаецца6
Сям’ю з дзіцём не пусцілі есці ўнутры кавярні піцу навынас. «Гараж» апраўдваецца, інтэрнэт спрачаецца
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца1313
Каментары