Moj praciahły dośvied udziełu ŭ vybarach pakazvaje, što sam mechanizm taki, što apryjory vyklučaje jakija b tam ni było šancy inšadumcaŭ być vybranymi. Tamu zadača-minimum — damahčysia spraviadlivaha vybarčaha pracesu. Inačaj luby kandydat — heta kamikadze, ź jakoha paśla buduć śmiajacca.
1. Termin prezydenckaj vybarčaj kampanii, jak i luboj, musić być pavialičany chacia b da dvuch miesiacaŭ. Biełaruś nie maleńkaja kraina, i 30 dzion dla takoj kampanii zamały termin.
2. Daterminovaje hałasavańnie i hałasavańnie doma maje być skasavana.
3. Vajskoŭcy pavinny hałasavać na ahulnych z cyvilnym nasielnictvam vybarčych učastkach.
4. Skryni pavinny być prazrystyja.
5. Staršyni vybarčych kamisij nie pavinny mieć piačatki dla skryniaŭ.
6. Kamisii musiać być parytetnyja.
7. Pracoŭnyja kalektyvy nie źjaŭlajucca subjektami palityki, tamu pavinny być pazbaŭleny prava vyłučać kandydataŭ ci siabroŭ vybarčych kamisij, naziralnikaŭ.
8. Naziralniki pavinny mieć prava volnaha dostupu da ŭsich dakumentaŭ vybarčaj kamisii.
9. Pavinny być źniaty ŭsie niezakonnyja abmiežavańni svabody słova, abmiežavańni na viadzieńnie pieradvybarnaj baraćby (vypusk ulotak, ładžańnie mitynhaŭ, sustreč — słovam, kantaktaŭ z vybarcami).
Vystupy pa telebačańni, radyjo, debaty kandydataŭ — abaviazkovyja dla ich usich. Treba damahacca skasavańnia zabaron na mirnyja šeści, mitynhi, pikiety.
10. Kandydaty — słužbovyja asoby pavinny na čas vybaraŭ skłaści svaje paŭnamoctvy.
Na dasiahnieńni hetych źmien u najbližejšyja 12 miesiacaŭ i pavinna być zasiarodžana dziejnaść apazycyi.
Sens palityčnaj dziejnaści ŭ kankurencyi idej.
Ja prapanuju na rolu kandydatki ŭ prezydenty spn.Krasoŭskuju Irynu.
Ja nikoli nia bačyŭ jaje, ale toje, što ja čuŭ pa radyjo «Svaboda», čytaŭ u druku, stvaraje ŭ mianie takoje ŭjaŭleńnie pra jaje.
Jana maładaja, razumnaja i pryhožaja kabieta.
Jana nia pyrskaje ślinaju, kali pramaŭlaje pa-biełarusku.
Jana maje dačynieńni ź dziełavymi ludźmi.
Jana viedaje palitykaŭ, kantaktuje ź imi.
Jana nie naležyć da anijakaje partyi.
Jana razumna razhruzić prezydenckuju pasadu, pakinuŭšy na joj pradstaŭničyja, cyrymanijalnyja i humanitarnyja funkcyi.
Mnie padajecca, vyłučeńnie kandydata-žančyny było b dobrym chodam apazycyi.
Voś čamu mužčyny-palityki pavinny byli b šlachietna paprasić spn.Irynu być adzinaj kansalidavanaj kandydatkaj i paličyć svaim honaram zrabić usio, kab jana pieramahła. Dumaju, bahata žanok prahałasavali b za jaje z pačućcia honaru i salidarnaści. Sprava tyčycca našaj Radzimy, jejnaha honaru.
Treba adkinuć usie asabistyja ambicyi dziela pieramohi.
Nadalej treba dumać pra ŭstalavańnie ŭ Biełarusi kanstytucyjnaj manarchii na čale ź vialikim kniaziem. Radziviłaŭ u kniazi — pieršaje, što prychodzić pa asacyjacyi.
Mikałaj Busieł, Śvietłahorsk
Kamientary