Biełaruska zavajoŭvaje indyjskuju fabryku mrojaŭ
Zdavałasia b, režyser Sandžaj Hupta znajšoŭ usio, što było treba dla stvareńnia čarhovaha kinachitu. Šykoŭnyja aktory, aryhinalny siužet, supernovyja zdymačnyja placoŭki. Ale lehiendarnamu huru indyjskaha kinematohrafu nie chapała samaha hałoŭnaha — partnerki dla tancu z hałoŭnym lichadziejem. Ich muzyčny numar musiŭ zrabicca hvazdom blakbasteru «Musafir», što vyjdzie na ekrany 12 listapada. Składanaść była ŭ tym, što rolu seksapilnaha narkabarona vykonvaŭ indyjski kinaidał Sandžaj Dat. Dać jamu ŭ paru aby-kaho nie vypadała. Premjera niaŭmolna nabližałasia, a vartaj dziaŭčyny na prymiecie nie było.
Kab paźbiehnuć pravału, režyser sumiesna z kinakampanijaj «White Feather Films» abjaviŭ mižnarodny konkurs, pieramožca jakoha miełasia zrabicca hałoŭnaj «item girl» u filmie. Kastynhi tancorak adbylisia ŭ Mumbai, Ńju-Deli, Kalkucie, Banhałory, Dubai dy Londanie. Pretendentak było śviet, ale ŭ finał, što prajšoŭ u hateli «Grand Hyatt» u Mumbai, vyjšli tolki 14 ź ich.
I tut adbyłasia sensacyja — žury, što składałasia sa słynnych aktoraŭ, adnahałosna vybrała pieramožcaj… biełarusku Tacianu Bochan, jakaja ŭžo doŭhi čas žyvie ŭ Dubai, dzie vykładaje tancy. Pavodle mierkavańnia sudździaŭ, jana zdoleła ŭdała spałučyć eratyčnaść ruchaŭ i dobry hust. Pakul astatnija pryhažuni pakryŭdžana kusali paznohciki, Taciana ŭžo davała interviju žurnalistam. «Ja nia duža šmat viedaju pra Sandžaj Data, ale ščaślivaja mahčymaści tančyć razam ź im. Ja viedaju — pracy budzie šmat, ale ja z radaściu čakaju pačatku zdymkaŭ», — skazała jana.
Poŭny varyjant artykułu čytajcie ŭ papiarovaj i pdf-versii "Našaj Nivy"
Aleś Kudrycki
Ciapier čytajuć
«Kali pasadziać znoŭ, to pasiadžu». Pačobut pra svajo vyzvaleńnie, kamiery śmiarotnikaŭ, bitvu za honar u sudzie i žadańnie viarnucca4
Kamientary