Ihar Jakimienka, nastaŭnik infarmatyki z Mahilova, vybrany najlepšym nastaŭnikam hodu.
Finał konkursu na zvańnie najlepšaha nastaŭnika Biełarusi 2004 h. «Kryštalny žuraviel» doŭžyŭsia ŭvieś vierasień i skončyŭsia tolki 28-ha. Za hety miesiac kožny z 21 finalista prajšoŭ praź nieźličonyja konkursnyja zadańni, daŭ pa 3 pakazalnyja ŭroki (zapisany na videa, dadzieny pa svajoj metodycy i dadzieny pa madeli žury ŭ nieznajomaj klasie). U superfinał, jaki adbyvaŭsia 28-ha, vyjšli šaściora pretendentaŭ: Zoja Vinahradava (historyja, Łahojsk), Anžalika Redźka (matematyka, Navahradak), Źmicier Mackievič (matematyka, Brasłaŭ), Vital Huzaŭ (praca, Žłobin), Ihar Jakimienka (infarmatyka, Mahiloŭ), Pavał Jałkovič (praca, Niaśviski rajon). Pieramožcam staŭ I.Jakimienka.
Sam konkurs «Kryštalny žuraviel» nahadvaŭ małastraŭnuju sumieś telešoŭ nakštałt «Słabaha źviana» z surjoznaj metadyčnaj kanferencyjaj. Siarod zadańniaŭ, prapanavanych kankursantam, byŭ konkurs śpievaŭ, pravierka erudycyi j reakcyi (za 30 sekundaŭ treba dać jak maha bolš pravilnych adkazaŭ na pytańni), zdolnaści chutka znajści vyjście ź niestandartnaj sytuacyi na ŭroku («Jak nie sarvać kantrolnuju, kali padčas jaje ŭ klasie niechta vypuściŭ myš?»). Ale razam z tym nastaŭniki musili davać mini-ŭroki, dzie rola vučniaŭ dastałasia ichnym kaleham, pavinny byli reprezentavać i abaraniać svaje kancepcyi j raspracoŭki.
Adnoj z najbolš niečakanych pravierak dla kankursantaŭ stali psychalahičnyja testy, arhanizavanyja Respublikanskim centram prablem čałavieka BDU. Hetaje mierapryjemstva arhanizatary konkursu naładzili ŭpieršyniu. Ciaham troch hadzin praviaralisia pryrodžanyja schilnaści nastaŭnikaŭ (reakcyja, emacyjnaja ŭraŭnavažanaść, usie vidy pamiaci, kanfliktnaść, ahresiŭnaść i inš.). Kandydat psychalahičnych navuk, zahadčyca labaratoryi psychafizijalohii j prafesijahrafii Śviatłana Sahajdak nazvała najlepšych nastaŭnikaŭ jašče j cudoŭnymi menedžerami: «Im treba było prademanstravać nieabyjakija zdolnaści ŭ napisańni planaŭ, prezentacyi siabie j h.d. I na ŭzroŭni menedžeraŭ u ich usio cudoŭna! Tak i pavinna było być. Kali b my abśledavali ŭsich šarahovych nastaŭnikaŭ zapar, karcina była b inšaj, bo nastaŭniki jość roznyja».
Poŭnaściu hety artykuł možna pračytać u papiarovaj i pdf-versii "Našaj Nivy"
Arkadź Šanski
Ciapier čytajuć
«Dekałanizacyja — heta pryjści i zaniać svajo miesca». Nasta Rahatko budzie ŭdzielničać u fiestyvali rasijskaj knihi. Sulima jaje asudziŭ, jana nie zmaŭčała ŭ adkaz5858
Kamientary