Ja biełaruski Caakašvili
Pieršaj pastanovaj Alesia Zarambiuka paśla prychodu da ŭłady budzie stvareńnie spryjalnych umovaŭ dla naradžeńnia dziaciej. Aleś zakłapočany demahrafičnaj sytuacyjaj u krainie i sam choča mieć nia mienš jak traich dziaciej. Aleś staŭ deputatam Mastoŭskaha rajsavietu ŭ 20 hadoŭ, heta samy małady deputat u krainie. Hety student pieramoh kankurenta — miascovaha načalnika — z fenamenalnym vynikam 75%. A ŭ svabodny čas jon dahladaje pčoły.
«NN»: Aleś, ty spryčyniŭsia da bojki na apošnim sojmie «Maładoha frontu». Ci budzie raskoł arhanizacyi, pra jaki ŭsie kažuć?
Aleś Zarambiuk: Toje, što jość dva lidery, śviedčyć pra toje, što arhanizacyja žyvaja. Ale nijakaha raskołu nie pavinna być.
«NN»: Čamu ty nie balatuješsia na pasadu staršyni arhanizacyi?
AZ: Ja nia baču siabie na pasadzie staršyni. Ja chaču pracavać u Mastach. Ja prosta zakachany ŭ Masty, dla mianie heta najlepšy horad u śviecie. Ja tut naradziŭsia i vyras i budu žyć tut, jak śpiavajuć našy muzyki. Jość Daškievič, ja jaho padtrymlivaju.
«NN»: Što adbyvajecca ŭ moładzievaj palitycy ŭ Biełarusi?
AZ: U moładzievych kołach ciapier šyrycca razumieńnie taho, što treba nia prosta ŭździejničać na ŭładu, a samim stanavicca hetaj uładaj i budavać novuju Biełaruś. Jość prykłady Bieła-aziersku, Mastoŭ, Horadni i inšych haradoŭ, dzie pradstaŭniki maładoj demakratyi stali deputatami miascovych savietaŭ.
Budučyja vybary ŭ pałatu pradstaŭnikoŭ pakažuć, chto jość chto. Ale kali chočaš niečaha dasiahnuć — treba prosta rvać ziamlu i rabić usio, kab pieramahčy.
«NN»: Čaho tabie ŭdałosia damahčysia ŭ rajsaviecie?
…
Poŭny varyjant artykułu čytajcie ŭ papiarovaj i pdf-versii "Našaj Nivy"
Hutaryła Vieranika Dziadok
Bijahrafija
Aleś Zarambiuk naradziŭsia ŭ Mastach u 1982 u siamji nastaŭnicy muzyki i stalara. U 2002 skončyŭ Haradzienski kaledž mastactvaŭ pa specyjalnaści «režysura masavych śviataŭ i narodnych abradaŭ», student 2 kursu adździaleńnia sacyjalohii Haradzienskaha dziaržuniversytetu imia Janki Kupały (ciapier u akademičnym adpačynku), z 2003 — deputat Mastoŭskaha rajsavietu, siabar kamisii pa sacyjalnych prablemach.
Kamientary