Z 1 studzienia aficyjny ŭzrovień minimalnaha zarobku ŭ Łatvii składzie 160 łataŭ, abo 662 tys. biełaruskich rubloŭ.
Z 1 studzienia 2008 h. u Łatvii budzie ŭstalavany novy aficyjny ŭzrovień minimalnaha zarobku — 160 łataŭ (662 tys. biełaruskich rubloŭ), a minimum, što nie abkładajecca padachodnym padatkam, pavysicca z 50 da 80 łataŭ.
Taki śmieły krok, zaznačaje łatvijskaja presa, učora zaćvierdziŭ Kabinet ministraŭ, niahledziačy na papiaredžańni, što heta moža vyklikać rost inflacyi i deficyt u biudžecie.
Ciapierašni łatvijski «minimum» (120 łataŭ, abo 496,6 tys. biełaruskich rubloŭ) — adzin z samych nizkich u krainach Eŭraźviazu — mieniej pavodle zakonu płaciać tolki ŭ Rumynii i Baŭharyi. Ciapier jon budzie bolej na 30 adsotkaŭ.
Pavodle infarmacyi Ministerstva statystyki i analizu Respubliki Biełaruś, siaredni naličany zarobak rabotnikaŭ pa krainie ŭ traŭni 2007 h. skłaŭ 686 852 rubli (h.zn. 166 łataŭ abo 320 dalaraŭ ZŠA).
U 1930-yja Łatvija była dla žycharoŭ Zachodniaj Biełarusi adnoj z samych papularnych krainaŭ pracoŭnaj emihracyi. Krychu bolš našych suajčyńnikaŭ źjaždžali tolki ŭ Kanadu i Arhientynu.
Kamientary