U Viciebsku na vulicy Pakroŭskaj, pobač z domam‑muzejem Šahała, budzie pabudavany loźnienski dom jaho dziadźki. Karcina Marka Šahała «Dom u Loźnie» stała asnovaj dla pracy prajekciroŭščykaŭ.
U Viciebsku na vulicy Pakroŭskaja, pobač z domam‑muziejem Šahała, budzie pabudavany loźnienski dom jaho dziadźki, što malavaŭ hienijalny mastak. Karcina Marka Šahała «Dom u Loźnie» (1914 hod) stała asnovaj dla pracy prajekciroŭščykaŭ. Daśledčyki pieryjadyčna ŭstupajuć u sprečki: mo, mienavita tut naradziŭsia Šahał?
— A čamu nie ŭ Loźnie adnoviać dom dziadźki — cyrulnika Zusmana Šahała? — pacikaviŭsia karespandent «Źviazdy» ŭ dyrektara muzieja Šahała Ludmiły Chmialnickaj.
— Kaniešnie, pytańnie pastaŭlena pravilna, — havoryć dyrektar. — Ale ž u Loźnie zusim nie zastałosia zabudovy daŭniny, dy i kankretnaje miesca znachodžańnia doma dziadźki Zusi, jak nazyvali jaho svajaki, nie vyśvietlena. A voś na Pakroŭskaj, pobač z domam‑muziejem Šahała, — pustoje miesca. Chaciełasia b adnavić atmaśfieru vulicy, budynki času Majstra. Darečy, dom dziadźki — typovy pa svajoj zabudovie dla Viciebska: 1‑y pavierch cahlany, a 2‑i — draŭlany.
Pavodle słoŭ načalnika adździeła kultury viciebskaha harvykankama Viktara Kibisava, u hetym budynku adkryjucca cyrulnia, kafe, mini‑hatel. Pryblizny ahulny kaštarys budaŭnictva i dobraŭparadkavańnia terytoryi — 600—700 miljonaŭ biełaruskich rubloŭ. Abiacajuć, što budaŭnictva doma nie zaciahniecca na hady.
Nahadajem, što 120‑hodździe z dnia naradžeńnia Šahała adśviatkujuć u «znakavy dzień» 07. 07. 2007. Miž inšym, sam Šahał vielmi hanaryŭsia mnostvam «7» u svajoj dacie.
Dobrym padarunkam dzieciam i darosłym stanie adkryćcio vystavy «Kalekcyja ŭśmiešak» maskoŭskaha muzieja kłoŭnaŭ Mikałaja Čałnakova, jaki ŭznačalvaje cyrk. Viadoma, što sam Šahał vielmi lubiŭ cyrk, što natchniŭ jaho na stvareńnie mnohich tvoraŭ. Dzieci zmohuć padaryć arhanizataram svaje malunki pa temie (lepšyja buduć nadrukavany), i aŭtamatyčna stać udzielnikami konkursu. Hałoŭny pryz — pajezdka ŭ Hiermaniju.
Jašče ŭ Viciebsku adnoviać na histaryčnym miescy hatel «Brozi», dzie žyła siamja žonki Šahała Beły. Jaje baćka na pieršym paviersie arandavaŭ pamiaškańnie dla kramy hadzinnikaŭ i juvielirnych vyrabaŭ…
Ciapier čytajuć
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie20
Kamientary