Jak pajechać u Karalaviec
Siarod 97 najbolšych turystyčnych ahiencyjaŭ Biełarusi nie znajšłosia nivodnaje, jakaja b zajmałasia arhanizacyjaj pajezdki ŭ Kalininhrad–Kionihsberh—Karalaviec. Adnak heta niastrašna. Viadoma, što indyvidualnyja turystyčnyja pajezdki majuć svaje vartaści. Svaboda, niazmušanaść, advolny vybar prahramy...
Samastojnaja pajezdka ŭ Karalaviec budzie kaštavać prykładna hetulki ž, kolki pajezdka ŭ Polšču ci krainy Bałtyi.
Najlepš jechać ciahnikom u asnoŭnym, a nie pryčapnym vahonie. Tady Vam nia treba afarmlać tranzytnuju litoŭskuju vizu. Kali ž pajedziecie na aŭtobusie, aŭtamabili albo ź pierasadkaju, daviadziecca źviarnucca ŭ konsulski adździeł ambasady Letuvy pa vizu. Dziela jaje patrebnaje zaprašeńnie abo telehrama z Karalaŭca, pašpart i kalarovy zdymak. Terminovaja tranzytnaja viza (tudy–nazad) robicca sutki j kaštuje 35 dalaraŭ ZŠA. Viza mienš terminovaja afarmlajecca za tydzień i kaštuje 15 dalaraŭ.
Ciahnik ź Miensku ŭ Karalaviec idzie kala 11 hadzinaŭ. Kvitok u kupe kaštuje 28,5 tys. biełaruskich rubloŭ, plackarta – 18 tys.
Dva ciahniki “Maskva–Kalininhrad” iduć praz Voršu, Barysaŭ, Miensk, Maładečna štodzionna (u Miensku a 5-j i a 22-j hadzinach). Pa niacotnych dniach da ich dadajecca Homiel–Kalininhrad (adpr. ź Miensku 22.26), pa cotnych – Sankt-Pieciarburh–Kalininhrad, jaki idzie praz Maładečna, Połacak, Viciebsk.
Kali zvarotny kvitok nabyvać u Karalaŭcy, jon abydziecca ŭ 600 rasiejskich rubloŭ (kupe).
Siarednimi pavodle kamfortu j cenaŭ ličacca hateli “Kalininhrad”, “Dejna”, “Maskva”, cana numaroŭ u jakich vahajecca ad 15 da 30 dalaraŭ za sutki. Napeŭna, možna znajści tańniejšaje pryvatnaje žytło ci hatel.
Charčavańnie tam kaštuje prykładna hetulki ž, jak u Miensku. Mora, pa słovach pracaŭnikoŭ konsulstva Biełarusi, pryvabnaje, “vidać Švecyju”. Darečy, telefon našaha konsulstva (8-107011) 221-44-12. Nadzvyčaj karysnym moža być taksama kantakt z karalavieckimi biełarusami, supołku jakich uznačalvaje enerhičny i žyćciaradasny Ihar Šachovič. Žyćcio ichnaje hramady nadzvyčaj nasyčanaje. Znaŭcy kažuć, što kancerty biełaruskich śpievakoŭ u ichnym kulturnym centry adbyvajucca čaściej, čym u Homieli ci Bieraści. Elektronny adras sp.Šachoviča [email protected]. Teł. supołki (8-1070112) 71-39-07.
“NN” dziakuje pradstaŭnictvu Biełarusi ŭ Kalininhradzie, konsulskamu adździełu Ambasady Letuvy ŭ Biełarusi, ahiencyi “Smok” za pradstaŭlenuju infarmacyju.
«Dekałanizacyja — heta pryjści i zaniać svajo miesca». Nasta Rahatko budzie ŭdzielničać u fiestyvali rasijskaj knihi. Sulima jaje asudziŭ, jana nie zmaŭčała ŭ adkaz5858
Kamientary