Pravaabaronca Valer Ščukin pryhavorany da štrafu ŭ paŭtara miljona rubloŭ.
Pravaabaronca Valeryj Ščukin sudom Pieršamajskaha rajona Viciebska pryhavorany da štrafu ahulnym likam u paŭtara miljona rubloŭ. Pra heta BiełaPAN paviedamiŭ palityk Pavieł Sieviaryniec.
Pavodle jaho słoŭ, sud pryznaŭ V.Ščukina vinoŭnym u źniavazie členaŭ i rabotnikaŭ aparatu vybarčych kamisij padčas kampanii pa vybarach deputataŭ miascovych savietaŭ 25‑ha sklikańnia (art. 189 Kryminalnaha kodeksa Biełarusi). Za hetaje złačynstva sud pryhavaryŭ V.Ščukina da štrafu ŭ pamiery kala miljona rubloŭ. «Akramia taho, pravaabaronca pavinien vypłacić 250 tysiač kampiensacyi maralnaha ŭronu dla člena aparatu Viciebskaj abłasnoj vybarčaj kamisii Taćciany Bujevič, apłacić sudovyja vydatki i štraf u 170 tys. rubloŭ, nibyta nie vypłačany im jašče u 1999 hodzie za ŭdzieł u «Maršy Svabody». Ahulnym likam heta krychu bolš za paŭtara miljona rubloŭ», — paviedamiŭ P.Sieviaryniec BiełaPAN.
Nahadajem, pravaabaroncu abvinavačvali ŭ źniavazie staršyni akruhovaj kamisii Ały Kaleśnik, namieśnika staršyni akruhovaj kamisii Taćciany Ukraženki, člena akruhovaj kamisii Nadziei Ahiejevaj, člena aparatu abłasnoj kamisii Taćciany Bujevič. Paśla vybaraŭ u miascovyja saviety, jakija prajšli ŭ Biełarusi 14 studzienia 2007 hoda, pravaabaronca raspaŭsiudžvaŭ ulotki, u jakich paviedamlałasia, što členy vybarkamaŭ udzielničali ŭ falsifikacyjach vynikaŭ vybaraŭ.
Ciapier čytajuć
Na «hulni Mackieviča» nie było Cichanoŭskaj, Łatuški, Cichanoŭskaha. Babaryka i Kaleśnikava adjazdžali, ale viarnulisia7
Na «hulni Mackieviča» nie było Cichanoŭskaj, Łatuški, Cichanoŭskaha. Babaryka i Kaleśnikava adjazdžali, ale viarnulisia
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary