Paštovaja skrynka
Siarhieju M. ź Pieciarburhu. Biaznohija desantniki, veterany čačenskaj vajny, što trymajuć šapku ŭ pierachodach, — toje, na žal, niamnohaje, što adroźnivaje našaje haradzkoje asiarodździe ad rasiejskaha.
Alesiu A. z Połacku. Nia možam tut z Vami pahadzicca. Naturalna, što vydańni, jakija vychodziać vialikimi nakładami i rehularna, ciešacca bolšaj viadomaściu j papularnaściu, a taksama vyklikajuć bolšy rozhałas u presie, čym vydańni-akcyi, što publikujucca nakładam u paru socień asobnikaŭ i pradajucca tolki na prezentacyjach. Dyj funkcyja apošnich inšaja, choć i nia mienš pačesnaja i ciažkaja. Poŭnaja roŭnaść byvaje tolki na mohiłkach, a zaŭsiody chvalać tolki miortvych. Pra elitu: elita nie byvaje samaabvieščanaj. Ad samazvanstva jaje zaścierahaje mechanizm hramadzkaha pryznańnia i lehitymacyi. Pra časopis “Nihil”: my pra jaho nie pisali, bo jon pakul nia zdaŭsia cikavy nivodnamu z našych krytykaŭ. Pra “Frahmenty—Kulturu”: pra ich mała pisali, bo jany nidzie nie pradavalisia i ich nichto nia bačyŭ. Nia ŭsio toje, što pačynajecca z apisańnia pryrody — proza. Nia ŭsie tyja, chto ŭžyvaje słova “symulakry” — intelektuały. Pra dasiahnieńni 10 apošnich hadoŭ: majem niezaležnyja partyi, prafsajuzy, spartyŭna-vajskovyja kluby, hazety, časopisy, vydaviectvy, novyja asiarodki za miažoj, infarmacyjnyja i resursnyja centry ŭ krainie i za miažoj. Čaho ž jašče chočacca Vam?
B.H. Mianiać pravapisnuju tradycyju i ciažka, i redka kali byvaje apraŭdana — staryny nia rušyć! Tradycyjnaja systema dobraja ŭžo tym, što jaje ŭsie viedajuć. Pra napisańnie inšamoŭnych ułasnych imionaŭ: na biełaruskaj łacincy heta rabić praściej. Znachodzić ža dakładnyja kiryličnyja adpaviedniki składana: skažam, nazva francuskaha horadu Sent-Etjen lepš pisać praz apostraf, čym “Sent-Eťjen” praź miakki znak, jak Vy prapanujecie, jašče j dziela taho, što pieršaje napisańnie lepš pieradaje francuskaje vymaŭleńnie (u francuskaj movie niama miakkich zyčnych). Movaznaŭcy ciapier, darečy, jakraz skančajuć raspracoŭku abnoŭlenych normaŭ klasyčnaha pravapisu. Tak što z Vašymi prapanovami źviarniciesia, kali łaska, da hrupy sp.Viačorki. Viedajecie, my tut u Biełarusi nadajem zašmat uvahi pytańniam pravapisu — hetym my niby raśpisvajemsia ŭ niedafarmavanaści biełaruskaj nacyi. Treba heta pieraadolvać.
Ciapier čytajuć
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2222
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»22
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary