Ekspart pasłuh za studzień—žnivień pavialičyŭsia na 14,5%
U studzieni—žniŭni 2012 hoda ekspart pasłuh u Biełarusi pavialičyŭsia na 14,5% u paraŭnańni sa studzieniem—žniŭniem 2011 hoda i skłaŭ 4 młrd. 291,9 młn. dołaraŭ ZŠA, impart pavialičyŭsia na 11,2% (2 młrd. 425,3 młn. dołaraŭ).
Takim čynam, paviedamlaje Biełstat, salda źniešniaha handlu pasłuhami skłałasia stanoŭčaje ŭ 1 młrd. 866,6 młn. dołaraŭ (za studzień—žnivień 2011 hoda — plus 1 młrd. 568,2 młn. dołaraŭ).
Ekspart pasłuh u krainy SND skłaŭ 36,8% ahulnaha abjomu ekspartu pasłuh, u krainy pa-za SND — 63,2%. Impart pasłuh z krain SND dasiahnuŭ 29,5% ahulnaha abjomu, z krain pa-za SND — 70,5%.
Ekspart transpartnych pasłuh pavialičyŭsia na 2,8% i skłaŭ 2 młrd. 378,4 młn. dołaraŭ, impart — źniziŭsia na 3,2% (990,1 młn. dołaraŭ).
Ekspart budaŭničych pasłuh pavialičyŭsia na 34,5% (da 201 młn. dołaraŭ), impart — u 2,3 razu (365,7 młn. dołaraŭ).
Ekspart kampjutarnych pasłuh vyras na 43,1% i skłaŭ 226 młn. dołaraŭ, impart — na 19,6% (da 32,4 młn. dołaraŭ).
Ekspart telekamunikacyjnych pasłuh pavialičyŭsia na 6,1% i skłaŭ 124,9 młn. dołaraŭ, impart — na 15,9% (83,3 młn. dołaraŭ).
Na 26,2% vyras ekspart u halinie architektury, inžyniernych i techničnych pasłuh (da 52,5 młn. dołaraŭ). Impart takich pasłuh pavialičyŭsia na 51,2% i skłaŭ 97,8 młn. dołaraŭ.
Ekspart apieracyjnaha lizinhu pavialičyŭsia na 16,1% da 80 młn. dołaraŭ, impart — na 16,3% (77,6 młn. dołaraŭ).
Ekspart u halinie vykarystańnia intelektualnaj ułasnaści vyras na 0,8% da 11,9 młn. dołaraŭ, impart — źniziŭsia na 0,4% da 56,3 młn. dołaraŭ.
Kamientary