Misija Mižnarodnaha valutnaha fondu (MVF) pa postprahramnym manitorynhu pačała pracavać u Minsku 18 kastryčnika. Uznačalvaje hrupu ekśpiertaŭ kiraŭnik misii MVF u Biełarusi Devid Chofman.
Jak paviedamili ŭ biełaruskim ofisie fondu, meta misii, jakaja budzie pracavać pa 29 kastryčnika, — praviadzieńnie treciaha pa liku postprahramnaha manitorynhu ekanomiki Biełarusi. Spravazdača misii paśla zakančeńnia jaje pracy budzie abmierkavanaja savietam dyrektaraŭ MVF.
Aprača taho, zaznačyli ŭ pradstaŭnictvie MVF, «vizit misii daść mahčymaść biełaruskim uładam i supracoŭnikam fondu abmierkavać ekanamičnuju palityku ŭładaŭ i pierśpiektyvy raźvićcia nacyjanalnaj ekanomiki ŭ 2013 hodzie».
U 2009–2010 hadach Biełaruś atrymała ad MVF u miežach prahramy
Apošnim časam Minsk niekalki razoŭ biespaśpiachova źviartaŭsia ŭ MVF pa dapamohu. Adnak u fondzie ŭkazali na niehatoŭnaść uładaŭ Biełarusi da hłybokich strukturnych reform, što nieabchodna dla adnaŭleńnia kredytnaha supracoŭnictva.
2 kastryčnika ministr finansaŭ Andrej Charkaviec znoŭ paviedamiŭ, što Biełaruś hatova realizavać novuju prahramu z MVF. «Najbližejšym časam adbudziecca hadavy schod fondu. Delehacyja Biełarusi praviadzie tam kansultacyi z pradstaŭnikami MVF, — skazaŭ Charkaviec. — My zajaŭlali i budziem zajaŭlać, što Biełaruś hatova realizavać novuju prahramu z MVF. Pytańnie siońnia budzie na baku našych partnioraŭ».
Ministr nie ŭdakładniŭ, pra jakija sumy ŭ miežach novaj prahramy moža iści razmova.«Dla nas vyznačalnym źjaŭlajecca nie kankretnaja suma, a adkaznaja makraekanamičnaja palityka dziaržavy. Suma vyznačycca jak najaŭny razryŭ u finansavańni ekanomiki na najbližejšyja
9–13 kastryčnika biełaruskaja delehacyja na čale ź ministram ekanomiki Mikałajem Snapkovym brała ŭdzieł u Tokia ŭ mierapryjemstvach štohadovaha pasiadžeńnia savietaŭ kiraŭnikoŭ Suśvietnaha banka i Mižnarodnaha valutnaha fondu. Vyniki pracy kastryčnickaj misii MVF u Biełarusi stanuć asnovaj dla dalejšych kansultacyj pa akazańni techničnaj dapamohi krainie, paviedamili ŭ Minekanomiki.
Kamientary