Naziralniki nie mahli paŭnacenna sačyć za praceduraj padliku hałasoŭ na vybarčych učastkach u Biełarusi. Pra heta zajaviŭ u intervju BiełaPAN kiraŭnik misii naziralnikaŭ Biuro pa demakratyčnych instytutach i pravach čałavieka (BDIPČ) Arhanizacyi pa biaśpiecy i supracoŭnictvie ŭ Jeŭropie (ABSIE) Antonia Miłašoski napiaredadni svajho adjezdu ź Biełarusi.
«Z dystancyi siem mietraŭ možna hladzieć televizar, ale niemahčyma ažyćciaŭlać paŭnacennaje nazirańnie za padlikam hałasoŭ», — skazaŭ Miłašoski.
«Sprava nie ŭ adlehłaści, a ŭ daviery — ci isnuje poŭny davier da tych naziralnikaŭ, jakich vy zaprasili nazirać za chodam vybarčaj kampanii, i ci hatovyja dać im mahčymaść prysutničać pry padliku hałasoŭ i zabiaśpiečvać takim čynam prazrystaść pracedury», — padkreśliŭ kiraŭnik misii.
«Ale kali pracedura padliku hałasoŭ źjaŭlajecca pryvilejaj vyklučna členaŭ vybarčaj kamisii, a naziralniki nie mohuć paŭnacenna za joj sačyć, uźnikajuć peŭnyja sumnieńni», — dadaŭ jon.
Pavodle słoŭ Miłašoski, adsutnaść u Biełarusi stroha peŭnaj pracedury padliku hałasoŭ nie daje harantyj ich sumlennaha padliku. «Važnym źjaŭlajecca nie tolki toje, chto i jak hałasuje, ale i toje, chto i jak hetyja hałasy padličvaje», — padkreśliŭ kiraŭnik misii BDIPČ.
Miłašoski taksama prakamientavaŭ vykazvańnie staršyni CVK Biełarusi Lidzii Jarmošynaj, jakaja zajaviła žurnalistam 28 vieraśnia: surjoznaj zaŭvahaj papiaredniaha dakłada BDIPČ ABSIE pa vynikach vybaraŭ źjaŭlajecca toje, što 37% naziralnikaŭ paličyli, što im nie było dadziena dastatkova mahčymaściej dla nazirańnia za padlikam hałasoŭ. Ale pry hetym dadała: «Astatnija naziralniki BDIPČ ABSIE i naziralniki misii ad SND byli zadavolenyja mahčymaściami dla nazirańnia».
Jak zaznačyŭ Miłašoski, zhadanyja kiraŭnikom CVK 37% — «heta vielmi vysokaja i niehatyŭnaja acenka takoj pracedury padčas minułych vybaraŭ». Mienavita
Miłašoski paviedamiŭ, što na sustrečy ź Lidzijaj Jarmošynaj užo paśla vybaraŭ členy misii BDIPČ ABSIE «vykazali svajo rasčaravańnie».«My skazali, što pytańnie paŭnacennaj mahčymaści nazirańnia za padlikam hałasoŭ — heta pytańnie ab daviery da naziralnikaŭ. My taksama rastłumačyli, što prazrystaść hetaj pracedury źjaŭlajecca klučavym momantam pry praviadzieńni vybaraŭ. I heta važna navat nie dla mižnarodnych naziralnikaŭ, a dla vybarščykaŭ», — paviedamiŭ Miłašoski.
Na sustrečy z kiraŭnikom CVK paśla vybaraŭ zakranałasia taksama pytańnie ab pryznačeńni členaŭ vybarčych kamisij. «Ja liču, što praces pryznačeńnia členaŭ vybarčych kamisij pavinien być jašče bolš inkluziŭnym. Takim čynam, prazrystaść i davier pavinny budavacca z samaha pačatku. Učastkovyja vybarčyja kamisii nie pavinny być zakrytym kruham ludziej, jakija raździalajuć niejkija ahulnyja intaresy, naprykład, na pracy, a zatym, hetak ža zakryta, ažyćciaŭlajuć svaju pracu ŭ jakaści členaŭ vybarčych kamisij», — zaznačyŭ Miłašoski.
Lidzija Jarmošyna, pavodle jaho słoŭ, hetyja zaŭvahi nijak nie prakamientavała. «Tym nie mienš navat adsutnaść niejkaha kamientaryju my prymajem jak adkaz», — skazaŭ kiraŭnik misii naziralnikaŭ BDIPČ.
Aceńvajučy ŭmovy pracy ŭ Biełarusi ŭ cełym, Miłašoski zajaviŭ, što ŭ misii naziralnikaŭ BDIPČ «było plonnaje i dobraje supracoŭnictva z usimi akruhovymi i ŭčastkovymi vybarčymi kamisijami».
«Mahčyma, uźnikali niejkija niaznačnyja incydenty z pryčyny niedastatkovaha razumieńnia
Vizit kiraŭnika misii BDIPČ ABSIE ŭ Biełaruś zaviaršajecca 4 kastryčnika.
Hałoŭnym śpikieram Žanočaha forumu ŭ Minsku stanie rasijski kryndžovy psichołah, jaki raskazvaŭ pra «pamiać žanočych pałavych hub»12
Kamientary