Taćcianu Sieviaryniec — maci palitviaźnia Paŭła Sieviarynca — zvalniajuć z pracy ŭ siaredniaj škole № 40 Viciebska, dzie jana ciaham šmatlikich hadoŭ vykładała rasiejskuju movu i litaraturu.
Taćcianu Sieviaryniec — maci palitviaźnia Paŭła Sieviarynca — zvalniajuć z pracy ŭ siaredniaj škole №40 h.Viciebska, dzie jana ciaham šmatlikich hadoŭ vykładała ruskuju movu i litaraturu.
Načalnik Pieršamajskaha rajonnaha adździeła adukacyi h.Viciebska Uładzimir Šłoma zajaŭlaje, što žančyna samavolna syšła ŭ adpačynak za svoj rachunak, choć napiaredadni sam dazvoliŭ joj nie vychodzić na pracu ciaham niekalkich dzion.
Jak raspaviała pres‑centru Chartyi'97 Taćciana Sieviaryniec, u kancy sakavika jana źbirałasia źjechać na niekalki dzion u Varšavu dla ŭdziełu ŭ sieminary «Dzieci ŭ sistemie adukacyi», arhanizavanym Varšaŭskim centram školnaj pracy. Žančyna napisała zajavu z prośbaj adpuścić jaje ŭ vodpusk za svoj rachunak pa siamiejnych akaličnaściach na pieryjad z 26 pa 31 sakavika. Dyrektar škoły padpisaŭ zajavu, adnak, pavodle pravił, jaje taksama pavinien uchvalić staršynia rajonnaha adździeła adukacyi Uładzimir Šłoma. Słužboŭca ž ciaham niekalkich dzion nie prymaŭ rašeńnia. Kali ž Taćciana Sieviaryniec patelefanavała jamu, jon skazaŭ, što padpiša zajavu, i jana moža sychodzić u adpačynak. Adnak, niahledziačy na zapeŭnieńni, 23 sakavika vyśvietliłasia, što zajava Sieviaryniec tak i nie była padpisanaja staršynioj adździeła adukacyi.
U piatnicu, apošni pracoŭny dzień tydnia, Taćciana Sieviaryniec nieadnarazova telefanavała Šłomu, ale jon nie braŭ słuchaŭku. Kali ž jana pryjšła ŭ adździeł adukacyi, słužboŭca admoviŭsia jaje pryniać. Nie majučy inšaha vyjścia, Taćciana Saviaryniec źviarnułasia ŭ haradski adździeł adukacyi, dzie joj paviedamili, što jaje zajava pavinna być zadavolenaja, i jana moža spakojna sychodzić u adpačynak.
25 sakavika Taćciana Sieviaryniec źjechała ŭ Miensk, a adtul adrazu ŭ Varšavu. Kali jana viarnułasia, vyśvietliłasia, što ŭsie jaje ŭroki źniatyja z raskładu, a jaje samu razam z dyrektaram škoły vyklikajuć da staršyni rajonnaha adździeła adukacyi. Padčas sustrečy Šłoma zajaviŭ, što jamu «telefanavali z KDB i skazali, što Taćciana Sieviaryniec» była nasamreč u Miensku i Varšavie, i nijakich siamiejnych akaličnaściaŭ u jaje niama». Darečy, z nahody siamiejnych akaličnaściaŭ, — Taćciana Sieviaryniec nie tolki ŭdzielničała ŭ piedahahičnym sieminary, ale taksama naviedała ŭ Varšavie mahiłu svajho dzieda, pravasłaŭnaha śviatara. Tym nie mienš, žančynu prymusili napisać tłumačalnuju.
Siońnia dyrektar škoły paviedamiŭ, što Uładzimir Šłoma daŭ zahad adździełu kadraŭ Pieršamajskaha rajonnaha adździeła adukacyi Viciebska rychtavać dakumienty na zvalnieńnie Taćciany Sieviaryniec.
Hałoŭnym śpikieram Žanočaha forumu ŭ Minsku stanie rasijski kryndžovy psichołah, jaki raskazvaŭ pra «pamiać žanočych pałavych hub»12
Kamientary