«Jany pavinny paćvierdzić, što nie supracoŭničajuć ni ź biełaruskimi, ni z zamiežnymi śpiecsłužbami».
Siarhiej Marcaleŭ, były kiraŭnik vybarčaha štaba kandydata ŭ prezidenty na vybarach 2010 hoda Mikałaja Statkieviča, prapanuje apazicyjnym palitykam prajści pravierku na detektary chłuśni, paviedamiŭ jon BiełaPAN.
Pavodle słoŭ Marcaleva, lidary apazicyi, fihuranty kryminalnych spraŭ pa padziejach 19 śniežnia 2010 hoda, «u toj ci inšaj stupieni majuć namier udzielničać u parłamienckaj vybarčaj kampanii». «Adnak fihurantaŭ hetaj spravy časta padazravali ŭ tym, što jany pad naciskam pahadzilisia supracoŭničać sa śpiecsłužbami.
Aleju ŭ ahoń padlili i fakty napisańnia niekatorymi palitykami pakajannych listoŭ prezidentu, i vypadak zeks-kandydatam u prezidenty Alesiem Michalevičam, jaki publična pryznaŭsia ŭ tym, što jaho vypuścili ŭ abmien na abiacańnie supracoŭnictva z KDB. Zychodziačy z hetaha, palityki zahavaryli pra „frakcyju hienierała Zajcava“ (staršyni KDB) u apazicyi», skazaŭ Marcaleŭ.
Heta pryviało da taho, što lidary apazicyi adzin adnamu nie daviarajuć, a sami śpiecsłužby ŭsialak kultyvujuć čutki pra viarboŭku, tym samym uzmacniajučy hety niedavier.
«Tamu ja prapanuju fihurantam kryminalnaj spravy pa padziejach 19 śniežnia, a taksama lidaram apazicyi i klučavym fihuram u parłamienckaj kampanii prajści pravierku na detektary chłuśni.
Jany pavinny paćvierdzić, što nie supracoŭničajuć ni ź biełaruskimi, ni z zamiežnymi śpiecsłužbami.Z adnaho boku, heta viernie davier siarod lidaraŭ apazicyi, ź inšaha — nie daść mahčymaści dziaržaŭnym telekanałam kazać, što apazicyjaniery źjaŭlajucca „piataj kałonaj“, „ahientami ŭpłyvu“ i supracoŭnikami zamiežnych śpiecsłužb», — ličyć Marcaleŭ.
Jon zajaviŭ, što hatovy pieršym prajści takuju pravierku, a kantralavać jaje prapanuje niezaležnym ŚMI.
Ciapier čytajuć
Łukašenka vykazaŭsia pra deficyt miedykaŭ i prapanavaŭ im pracavać bolš12
Kamientary