Łukašenka zapatrabavaŭ «spyniać palityčnyja pravakacyi» padčas parłamienckaj kampanii
«Viadzieńnie pieradvybarnaj ahitacyi nie moža ažyćciaŭlacca pa praviłach masavych vuličnych akcyj».
Alaksandr Łukašenka zajaviŭ ab nieabchodnaści zabieśpiačeńnia paradku ŭ krainie padčas parłamienckaj kampanii, zapatrabavaŭšy strymańnia niezakonnych dziejańniaŭ i palityčnych pravakacyj.
«Niezakonnyja dziejańni, palityčnyja pravakacyi, nakiravanyja na destabilizacyju abstanoŭki ŭ krainie, pavinny nieadkładna spyniacca, a vinavatyja — nieści ustanoŭlenuju adkaznaść», — zajaviŭ Łukašenka ŭ paniadziełak na naradzie pa pytańniach padrychtoŭki i praviadzieńnia vybaraŭ nacyjanalnaha schodu.
Jon zajaviŭ, što «viadzieńnie pieradvybarnaj ahitacyi nie moža ažyćciaŭlacca pa praviłach masavych vuličnych akcyj».
«Zadača pravaachoŭnych orhanaŭ — nie dapuścić pierarastańnia pieradvybarnych sustreč u takija mierapryjemstvy. Pravaparadak pavinien być zabiaśpiečany paŭsiudna», — padkreśliŭ Łukašenka.
Razam z tym, pavodle jaho słoŭ, «miascovyja orhany ŭłady pavinny dać harantyi viadzieńnia pieradvybarnych hramadskich mierapryjemstvaŭ na umovach nie horšych, čym heta było pry praviadzieńni vybaraŭ prezidenta krainy ŭ 2010 hodzie».
A.Łukašenka taksama ličyć nieabchodnym staranna padyści da farmavańnia vybarčych kamisij. «Pryniaćcie rašeńniaŭ ab ich utvareńni varta ažyćciaŭlać, jak taho patrabuje zakon, — adkryta, z udziełam palityčnych partyj i hramadskich arhanizacyj», — rastłumačyŭ Łukašenka. Pry hetym jon udakładniŭ, što «pradstaŭnikoŭ partyj, niezaležna ad ich palityčnych pohladaŭ, što hodna zarekamiendavali siabie pry praviadzieńni raniejšych vybarčych kampanij, treba ŭklučać u skład vybarkamaŭ».
«Tyja ž, chto raniej spryjaŭ dezarhanizacyi vybaraŭ, nie pavinny atrymać druhoha takoha šancu», — zajaviŭ jon.
Akramia taho, pa słovach A.Łukašenki, «nijakich nadumanych abmiežavańniaŭ nie pavinna być i pry rehistracyi kandydataŭ u deputaty». «Usich, chto maje prava być zarehistravanym, treba zarehistravać. Kožnamu hramadzianinu našaj krainy pavinny być pradastaŭleny ŭsiebakovyja mahčymaści dla realizacyi prava abirać i być abranym», — zajaviŭ Łukašenka.
U milicejskim konkursie pryhažości pieramahła amapaŭka, jakaja ŭ 2020 hodie razhaniała pratesty49
Kamientary