Pucin paabiacaŭ abmierkavać stvareńnie parłamienta Jeŭrazijskaha ekanamičnaha sajuza
Prezident Rasii Uładzimir Pucin maje namier abmierkavać sa svaimi kalehami ŭ Biełarusi i Kazachstanie pytańnie ab stvareńni parłamienckaha instytuta Jeŭrazijskaha ekanamičnaha sajuza.
Jak paviedamlaje RIA Novosti, temu stvareńnia takoha orhana ŭźniaŭ 29 maja na sustrečy z Pucinym śpikier Dziarždumy Siarhiej Naryškin.
«Ekanamičnaja intehracyja idzie aktyŭna, užo stvorany i funkcyjanuje nadnacyjanalny orhan. I, viadoma, paŭstaje pytańnie ab farmiravańni parłamienckaha vymiareńnia. I my zapuścili miechanizm rabočaj hrupy — pradstaŭniki troch našych dziaržaŭ u składzie i parłamientaryjaŭ, i ekśpiertaŭ, i navukovaj supolnaści. Meta rabočaj hrupy — sfarmiravać „darožnuju kartu“. Napeŭna, spačatku pavinna być stvorana Jeŭrazijskaja mižparłamienckaja asambleja, a rana ci pozna paŭstanie pytańnie i pra stvareńnie paŭnacennaha parłamienckaha instytuta spačatku Jeŭrazijskaha ekanamičnaha sajuza, a potym i Jeŭrazijskaha sajuza», — skazaŭ Naryškin.
Pavodle jaho słoŭ, niekalki dzion tamu jon zaprasiŭ svaich kaleh, śpikieraŭ parłamientaŭ Biełarusi i Kazachstana abmierkavać pytańni parłamienckaha vymiareńnia Jeŭrazijskaj intehracyi.«My raźličvajem užo ŭ pačatku nastupnaha hoda sfarmiravać hetu «darožnuju kartu», — adznačyŭ Naryškin.
Pucin nazvaŭ hetu temu vielmi važnaj, pakolki Maskvie, Minsku i Astanie ŭžo siońnia patrebna paŭnacennaje zakanadaŭčaje supravadžeńnie ŭsich pracesaŭ, jakija adbyvajucca ŭ miežach Mytnaha sajuza i Adzinaj ekanamičnaj prastory.
«U kančatkovym vyniku ŭsie rašeńni vykanaŭčych orhanaŭ ułady pavinny być padmacavanyja i realizavanyja ŭ zakonach. A kali my havorym pra takuju pierśpiektyvu, jak stvareńnie Jeŭrazijskaha sajuza, to, biezumoŭna, biez aktyŭnaj pracy deputackich karpusoŭ usich našych troch krain takaja zadača vyrašana być nie moža. Tamu, biezumoŭna, my budziem heta padtrymlivać. Ja pierahavaru sa svaimi kalehami i ŭ Kazachstanie, i ŭ Biełarusi. Upeŭnieny, heta sustrenie padtrymku ŭsich udzielnikaŭ pracesu», — skazaŭ Pucin.
Nahadajem, rasijski prezident naviedaje z aficyjnym vizitam Biełaruś 31
Hałoŭnym śpikieram Žanočaha forumu ŭ Minsku stanie rasijski kryndžovy psichołah, jaki raskazvaŭ pra «pamiać žanočych pałavych hub»12
Kamientary