Nad Naračču čorna ad kamaroŭ - fota

Fota, zroblenyja 14 maja pobač ź vioskaj Mikolcy Miadzielskaha rajona Minskaj vobłaści, uražvajuć - čornaje ad kamaroŭ nieba nie kožny dzień davodzicca bačyć.

«I heta jašče nie samaje strašnaje, što było -- focik apynuŭsia pad rukoj tolki praz hadziny try, -- piša na partale Tut.by śviedka kamarynaha našeścia miascovy žychar Dzianis Kisły. -- Hetyja zdymki tolki toje, što ja paśpieŭ zachavać... A kali ŭžo adjazdžaŭ, ich naohuł mała stała.

A što budzie, kali pačniecca siezon «Ukus?» Bajusia pra heta navat dumać».

Dzianis źviazvaje takuju ​​aktyŭnaść maškary z nadvorjem. «Inšych tłumačeńniaŭ ja prosta nie znachodžu», -- kaža jon.

Miascovyja žychary raspaviali, što bačać takuju navała maškary časam kožny, a časam praz hod.

I ŭsio ž, čamu mienavita ŭ Miadzielskim rajonie takaja kancentracyja maškary i čamu mienavita ciapier?

Heta naturalny praces, adznačyła dyrektar Naračanskaj bijałahičnaj stancyi Taćciana Žukava: «U voziery žyvuć ličynki nasiakomych. Heta kamary-zvancy, chiranamidy. Ciapier pryjšoŭ čas masavaha vychadu darosłych asobin z vadajomaŭ na sušu, dzie jany sparvajucca, adkładajuć jajki. Dalej ź ich raźvivajucca ličynki nasiakomych.

Ličynki hetaha kamara - nie što inšaje, jak matyl, dobra viadomaja prynada dla rybałki».

Kamary-zvancy (dziarhuny), chiranamidy (Chironomidae) -- siamiejstva dvukryłych. Nazvu kamar atrymaŭ z-za charakternaha huku, padobnaha na zvon, jaki atrymlivajecca z-za taho, što kamar machaje kryłami (da 1000 uzmachaŭ u siekundu). Ličynki nasialajuć prydonny hlej i zdolnyja žyć na hłybini da 300 mietraŭ. Kamary-zvancy biasškodnyja dla čałavieka. Ličynki vykarystoŭvajucca ŭ jakaści kormu dla ryby, u tym liku akvaryumnaj. Prablema masiravanaha źjaŭleńnia kamara-zvancoŭ charakternaja dla miescaŭ z bahaćciem vadajomaŭ.

Takim čynam, toje, što kazurki stajać słupami -- sprava zvyčajnaja, zdarajecca kožny hod. Ich časam nie zaŭvažajuć z-za vietranaha nadvorja, kali kamaroŭ paprostu ździmaje. A voś kali cicha i soniečna, jany stanoviacca bolš čym prykmietnyja.

Hetyja kamary nie kusajucca,

Hałoŭny ŭrač Miadzielskaha rajonnaha centra hihijeny i epidemijałohii Mikita Łabačoŭ taksama supakojvaje: «Žychary rajona nie źviartalisia ŭ našu słužbu z nahody maškary.

Jana nie ŭjaŭlaje dla ludziej nijakaj niebiaśpieki. Infiekcyjnyja zachvorvańni jana nie pieranosić u adroźnieńnie ad klaščoŭ,

• 0
• 0
• 0
• 0
• 0
• 0
• 0
• 0