Uviečary 19 sakavika prajšło pasiadžeńnie Ŭpravy MHA «ZBS «Baćkaŭščyna», na jakim była pryniata zajava nakont pieratrusu majomaści Zhurtavańnia.
Zajava pres‑słužby MHA Zhurtavańnie biełarusaŭ śvietu «Baćkaŭščyna».
16 sakavika kala 15.00 supracoŭnikami milicyi i ludźmi ŭ cyvilnym byŭ učynieny pieratrus na pryvatnaj kvatery, dzie časova zachoŭvałasia častka majomaści, u tym liku knihi MHA «ZBS «Baćkaŭščyna» i archivy dyjaspary.
Zhurtavańnie vymušana zachoŭvać majomaść u roznych miescach u suviazi z tym, što sa žniŭnia 2006 h. na siadzibie viadziecca kapitalny ramont. Nie hledziačy na šmatlikija zachady jak samoj «Baćkaŭščyny», tak i supołak dyjaspary, a taksama vusnyja abiacańni haradskich uładaŭ paspryjać u atrymańni adpaviednaha pamiaškańnia na čas ramontu, abjadnańnie da hetaha času vymušana pracavać biez stałaha ofisu.
Uprava MHA «ZBS «Baćkaŭščyna» vykazvaje abureńnie z pryčyny biespadstaŭnaha pieratrusu majomaści i kanfiskacyi knih Ju.Turonka, Ju.Vićbiča, Dz.Kasmoviča, jakija byli pieradadzieny na zachavańnie pradstaŭnikami biełaruskaj dyjaspary.
My vykazvajem padziaku arhanizacyjam i asobam, jakija padtrymlivajuć Zhurtavańnie ŭ hetych składanych varunkach.
Vidavočna, što ŭčynieny pieratrus nie źjaŭlajecca vypadkovym, a jość čarhovym krokam z boku ŭładaŭ u stvareńni pieraškodaŭ pracy MHA «ZBS «Baćkaŭščyna».
Ličym, što hetaje zdareńnie nie paspryjaje ŭmacavańniu stasunkaŭ dziaržavy ź biełaruskaj dyjasparaj.
Ciapier čytajuć
U archivach SBU znajšlisia dakumienty, jak savieckija śpiecsłužby zavierbavali emisara AUN, ale ŭkrainskaje padpolle heta vykryła i zabiła zdradnika44
Kamientary