Pra heta ŭdzielnik padziejaŭ 19 śniežnia daviedaŭsia siońnia, 19 krasavika, ad śledčaha Pieršamajskaha adździeła Śledčaha kamiteta A. Rabcava.
«Śledčy skazaŭ, što zaviedzienaja kryminalnaja sprava ab parušeńni mnoj umovaŭ prafiłaktyčnaha nahladu. Samaje bolšaje, što pahražaje, — paŭtara hoda kałonii. Pryčym ja nie dumaju, što abmiažujucca ŭmoŭnym pakarańniem, viedajučy maju byłuju sudzimaść za 19 śniežnia», — prakamientavaŭ V. Parfiankoŭ.
Vasil Parfiankoŭ pryznaŭ, što ŭ jaho byli try parušeńni ŭmovaŭ nahladu. «Adzin akt byŭ składzieny, kali vyjšaŭ u kramu, a tut pryjšli z pravierkaj. Druhi raz na 15 chvilin spaźniŭsia adznačycca», — kaža Vasil.
Prafiłaktyčny nahlad Parfiankovu byŭ ustalavany 5 studzienia terminam na hod paśla taho, jak byłoha palitviaźnia aryštavali na sutki za ŭdzieł u akcyi salidarnaści na hadavinu Płoščy 19 śniežnia 2011 hoda. Akramia Vasila Parfiankova, u sakaviku hod prafiłaktyčnaha nahladu atrymaŭ maładafrontaviec Uładź Jaromienak, u krasaviku 2 hady takoha nahladu sud prysudziŭ aktyvistu «Havary praŭdu» Paŭłu Vinahradavu.
Ciapier čytajuć
«Dekałanizacyja — heta pryjści i zaniać svajo miesca». Nasta Rahatko budzie ŭdzielničać u fiestyvali rasijskaj knihi. Sulima jaje asudziŭ, jana nie zmaŭčała ŭ adkaz5858
Kamientary