Biełaruski niezaležny prafsajuz (BNP) padaŭ zajaŭku na praviadzieńnie 1 maja mitynhu ŭ Mikaševičach, paviedamiŭ staršynia BNP Mikałaj Zimin.
«My płanujem praviadzieńnie mitynhu dla taho, kab jašče raz uźniać prablemu admovy ŭ rehistracyi piarvički našaha prafsajuza na pradpryjemstvie «Hranit», — skazaŭ jon.
Pavodle słoŭ Zimina, kali mitynh dazvolać, to arhanizatary čakajuć u im udzieł kala tysiačy čałaviek.
U kancy śniežnia 2011 hoda bolš čym 200 rabočych «Hranita» vyjšli ź dziejnaj na pradpryjemstvie aficyjnaj prafsajuznaj arhanizacyi i zajavili ab namiery stvaryć piarvičnuju strukturu Biełaruskaha niezaležnaha prafsajuza. Dla aficyjnaj rehistracyi im nieabchodna atrymać jurydyčnych adras, adnak administracyja pradpryjemstva nie daje pamiaškańnia.
Kamientary