Za vyrab narkotykaŭ zatrymany ślesar staličnaha ŽESa
Supracoŭnikami Pieršamajskaha RUUS pavodle padazreńnia ŭ niezakonnym abarocie narkotykaŭ i machlarstvie zatrymany32-hadovy ślesar-santechnik adnaho z ŽESaŭ.
Jak paviedamili ŭ rajonnym upraŭleńni ŭnutranych spraŭ, mužčyna byŭ zatrymany ŭ svaim słužbovym pamiaškańni, dzie paśla pracy vyrašyŭ vyrabić ekstrakcyjny opij. Praŭda, užyć narkotyk nie paśpieŭ — pieraškodzili milicyjaniery.
Padčas pieršapačatkovaha rasśledavańnia była ŭstanoŭlena niadobrasumlennaść santechnika ŭ vykanańni słužbovych abaviazkaŭ. Prychodziačy pa vykliku da klijentaŭ, jon časta nie davodziŭ ramontnyja raboty da kanca, spasyłajučysia na adsutnaść nieabchodnych zapčastak. Pry hetym prapanoŭvaŭ haspadaram samim pakłapacicca pra nabyćcio patrebnaha abstalavańnia, zahadzia braŭ na heta hrošy, abiacajučy ŭ samy karotki termin zrabić rabotu, a potym nie prychodziŭ.
Takim čynam ad santechnika paciarpieli jak minimum try čałavieki. Ahulnaja suma ŭronu skłała 2,9 miljona rubloŭ. Hrošy, jak vyśvietliłasia, byli patračany na nabyćcio narkatyčnych srodkaŭ.
U dačynieńni da zatrymanaha raspačaty kryminalnyja spravy za machlarstva i niezakonny abarot narkatyčnych srodkaŭ. Pravodzicca rasśledavańnie.
Kamientary