Lider apazycyi siońnia sustreŭsia z kamisijaj viarchoŭnaha kamisara EZ u pytańniach zamiežnaj palityki i biaśpieki Chaŭjera Salany.
Lider apazycyi siońnia sustreŭsia z delehacyjaj viarchoŭnaha kamisara EZ u pytańniach zamiežnaj palityki i biaśpieki Chaŭjera Salany. U skład delehacyi ŭvachodzili Chielha Šmit i Pirka Tapijoła.
Hałoŭnaj temaj sustrečy stałasia pytańnie ŭzajemadačynieńniaŭ pamiž Biełaruśsiu i Eŭraźviazam. Milinkievič źlohku skrytykavaŭ palityku Eŭropy ŭ dačynieńniach da aficyjnaha Miensku. Jon skazaŭ, što Eŭropa časam mahła b być bolš rašučaj u biełaruskich pytańniach, a nie pravodzić svojeasablivuju palityku abačlivaści, jak ciapier.
Alaksandar Milinkievič pierakanany, što dyjaloh miž biełaruskimi ŭładami i Eŭropaj moža adbycca tolki paśla taho, jak aficyjny Miensk vykanaje ŭsie patrabavańni Eŭraźviazu. «Treba vieryć realnym spravam, a nie pustym zapeŭnivańniam», — adznačyŭ Milinkievič. Ale pakul na jahony pohlad takija tendencyi nie nazirajucca. Hałoŭnaj umovaj pačatku dyjalohu Milinkievič nazvaŭ vyzvaleńnie palitviaźniaŭ. Milinkievič prainfarmavaŭ eŭračynoŭnikaŭ pra novyja palityčnyja kryminalnyja spravy Kastusia Łukašova i Dzianisa Dzianisava.
Taksama Milinkievič pierakanany, što sapraŭdy efektyŭnym dyjaloh moža być tolki ŭ tym vypadku, kali ŭ im voźmuć ŭdzieł pradstaŭniki biełaruskaj apazycyi.
Chelha Šmit i Pirka Tapijoła ŭ svaju čarhu zapeŭnili, što eŭrapiejskaja supolnaść ź vialikaj cikavaściu budzie sačyć za padziejami ŭ Miensku 25 sakavika. Mienavita ad hetaha dnia ŭ mnohim i budzie zaležyć dalejšaja palityka EZ da Biełarusi. Dyplamaty deklaravali svaju padtrymku biełaruskamu niezaležnamu hramadztvu. Taksama eŭračynoŭniki zaklikali biełaruskuju apazycyju jak maha chutčej pieraadoleć razład u svaich šerahach i narešcie realna abjadnacca dziela dasiahnieńnia svaich metaŭ.
Ciapier čytajuć
Hałoŭnym śpikieram Žanočaha forumu ŭ Minsku stanie rasijski kryndžovy psichołah, jaki raskazvaŭ pra «pamiać žanočych pałavych hub»4
Kamientary