Лідэр апазыцыі сёньня сустрэўся з камісіяй вярхоўнага камісара ЭЗ у пытаньнях замежнай палітыкі і бясьпекі Хаўера Саляны.
Лідэр апазыцыі сёньня сустрэўся з дэлегацыяй вярхоўнага камісара ЭЗ у пытаньнях замежнай палітыкі і бясьпекі Хаўера Саляны. У склад дэлегацыі ўваходзілі Хельга Шміт і Пірка Тапіёла.
Галоўнай тэмай сустрэчы сталася пытаньне ўзаемадачыненьняў паміж Беларусьсю і Эўразьвязам. Мілінкевіч зьлёгку скрытыкаваў палітыку Эўропы ў дачыненьнях да афіцыйнага Менску. Ён сказаў, што Эўропа часам магла б быць больш рашучай у беларускіх пытаньнях, а не праводзіць своеасаблівую палітыку абачлівасьці, як цяпер.
Аляксандар Мілінкевіч перакананы, што дыялёг між беларускімі ўладамі і Эўропай можа адбыцца толькі пасьля таго, як афіцыйны Менск выканае ўсе патрабаваньні Эўразьвязу. «Трэба верыць рэальным справам, а не пустым запэўніваньням», — адзначыў Мілінкевіч. Але пакуль на ягоны погляд такія тэндэнцыі не назіраюцца. Галоўнай умовай пачатку дыялёгу Мілінкевіч назваў вызваленьне палітвязьняў. Мілінкевіч праінфармаваў эўрачыноўнікаў пра новыя палітычныя крымінальныя справы Кастуся Лукашова і Дзяніса Дзянісава.
Таксама Мілінкевіч перакананы, што сапраўды эфэктыўным дыялёг можа быць толькі ў тым выпадку, калі ў ім возьмуць ўдзел прадстаўнікі беларускай апазыцыі.
Хэльга Шміт і Пірка Тапіёла ў сваю чаргу запэўнілі, што эўрапейская супольнасьць зь вялікай цікавасьцю будзе сачыць за падзеямі ў Менску 25 сакавіка. Менавіта ад гэтага дня ў многім і будзе залежыць далейшая палітыка ЭЗ да Беларусі. Дыпляматы дэкляравалі сваю падтрымку беларускаму незалежнаму грамадзтву. Таксама эўрачыноўнікі заклікалі беларускую апазыцыю як мага хутчэй пераадолець разлад у сваіх шэрагах і нарэшце рэальна аб’яднацца дзеля дасягненьня сваіх мэтаў.
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары