20 lutaha
Zvolnieny historyk Aniščanka
Ź Instytutu historyi zvolnili historyka Jaŭhiena Aniščanku. Nahoda – adsutnaść recenzijaŭ na navukovyja pracy kalehaŭ dy słabaja prezentavanaść navukovych pracaŭ na kanferencyjach. Varta adznačyć, što heta ŭžo piaty zvolnieny z hetaj ustanovy supracoŭnik. Raniej zvolnili Hienadzia Sahanoviča, Ninu Stužynskuju, Andreja Kištymava, Siarhieja Tarasava, Uładzimira Kananoviča.
22 lutaha
Syna Levanieŭskaha zatrymali z ulotkami
14‑hadovaha Antona Levanieŭskaha zatrymała achova haradzienskaha rynku «Karona», kali toj razdavaŭ ulotki z paviedamleńniem pra planavany ŭ Miensku mitynh pradprymalnikaŭ. Antona pieradali milicyjantam. Adzin ź ich, pavodle baćki chłopca, Valerja Levanieŭskaha, kab davieści chłopca da dziažurnaj mašyny, nadzieŭ jamu na adnu ruku kajdanki. Chłopca dastavili ŭ RUUS Leninskaha rajonu Horadni. Pratakołu zatrymańnia i kanfiskacyi ŭlotak nie składali. Pa patrabavańni Levanieŭskaha‑staršaha milicyja praviaraje zdareńnie.
24 lutaha
Zatrymali Nastu Azarku
Aktyvistku niezarehistravanaha «Maładoha frontu» Nastu Azarku zatrymali ŭviečary za vyviešvańnie ŭ centry Niaśvižu raściažki z nadpisam «Svabodu Daškieviču!»
Na dziaŭčynu skłali administracyjny pratakoł. Paśla niekatoraha času Nasta Azarka była vyzvalenaja.
Dzianisava pieraviali ŭ Viciebsk
Zatrymanaha 16 lutaha moładzievaha aktyvista Dzianisa Dzianisava pieraviali ŭ Viciebsk, dzie jon byŭ źmieščany ŭ SIZA‑2.
26 lutaha
Carkva «Novaje žyćcio» praciahvaje baranicca
Z 26 lutaha pa 4 sakavika ŭ mienskaj carkvie «Novaje žyćcio» adbyvajecca malitoŭny post. Praŭnik carkvy Siarhiej Łukanin paviedamiŭ, što na hety čas u carkvie admienienyja ŭsie mierapryjemstvy. Ad paniadziełku ŭdzielniki pasta buduć načavać u pamiaškańni carkvy.
27 lutaha
Prakuratura papiaredziła «Hancavicki čas»
Sioleta hazeta pazbaviłasia mahčymaści padpiski praz «Biełpoštu» i prodažu ŭ «Biełsajuzdruku», u dziaržaŭnych i pryvatnych kramach. Prakuror Hancavickaha rajonu Siarhiej Zamara patłumačyŭ, što hazeta atrymała papiaredžańnie nibyta za skažeńnie źviestak, atrymanych ad staršyni vybarčaj kamisii. Jon nie vyklučaje mahčymaści zakryćcia niezaležnaj hancavickaj hazety. Redaktar «Hancavickaha času» Piatro Huzajeŭski ličyć, što sapraŭdnaju pryčynaju cisku na jaho vydańnie jość rost papularnaści hazety, a taksama pavieličeńnie jaje nakładu. Sioleta nakład «Hancavickaha času» vyras na 500 ekzemplaraŭ i dasiahnuŭ troch tysiač. Apynuŭšysia pa‑za dziaržaŭnaj systemaj raspaŭsiudu, vydańnie naładziła ŭ rajcentry i vioskach alternatyŭnuju padpisku i dastaŭku na dom.
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie28
Kamientary