Pamior režysior Kupałaŭskaha Valeryj Rajeŭski

19 listapada pajšoŭ z žyćcia režysior-pastanoŭščyk Kupałaŭskaha teatra, narodny artyst Biełarusi, łaŭreat dziaržaŭnych premij SSSR i Respubliki Biełaruś Valeryj Rajeŭski.

Valeryj Rajeŭski naradziŭsia naradziŭsia 20 červienia 1939 h. u Minsku.

Valeryj Rajeŭski nie zdoleŭ ź pieršaha razu pastupić u maskoŭski VHIK, advučyŭsia dva hady ŭ mašynabudaŭničym technikumie, pracavaŭ tokaram-kantraloram, kanstruktaram na zavodzie, jašče dva hady vučyŭsia na histfaku BDU.

I tolki potym jon stanovicca studentam teatralna-mastackaha instytuta, stažujučysia adnačasova ŭ Maskoŭskim teatry dramy i kamiedyi na Tahancy. Z 1967 hoda Valeryj Mikałajevič pracuje ŭ Nacyjanalnym akademičnym teatry imia Janki Kupały, a z 1973-ha hałoŭny režysior, a z 1991 hoda byŭ mastackim kiraŭnikom teatra. I adpracavaŭ na hetaj pasadzie da 31 śniežnia 2008 hoda, sastupiŭšy miesca Mikałaju Pinihinu.

Pieršy biełaruski śpiektakl Rajeŭskaha «Chaču być česnym» (pavodle U. Vajnoviča) byŭ zabaronieny, a nastupnaja jaho pastanoŭka «Što toj sałdat, što hety» Brechta robić viadomym imia režysiora.

Za čas tvorčaj pracy im stvorana tolki na Kupałaŭskaj scenie bolš za 35 śpiektaklaŭ pa ajčynnaj, ruskaj, zamiežnaj dramaturhii. Siarod ich: «Što toj sałdat, što hety» pa B.Brechtu, «Bura» U.Šekśpira, «Revizor» M.Hohala, " Try siastry» A.Čechava, «Zapiski z padpolla» F.Dastajeŭskaha, «Les» A.Astroŭskaha. «Trybunał» i «Paharelcy» A.Makajonka, «Brama niaŭmiručaści» K.Krapivy, «Apošni šanc» V.Bykava, «Čałaviek ź lehiendy» Ja.Šabana, «Paroh», «Radavyja», «Apošni žuraviel» A.Dudarava, «Mudramier» M.Matukoŭskaha, «Straści pa Aŭdzieju» U.Butramiejeva dy inšyja. Dla Rajeŭskaha ŭłaścivy pošuk najvialikšaj vyraznaści formy, pahłyblenaje pračytańnie dramaturhii, imknieńnie da harmaničnaha hučańnia ŭsich elemientaŭ sceničnaha tvora.

Śpiektakli, pastaŭlenyja V.Rajeŭskim byli ŭdzielnikami i pryziorami šmatlikich teatralnych fiestyvalaŭ. Šerah pastanovak pa pjesach biełaruskich i ruskich aŭtaraŭ zrobleny im za miažoj: «Zaciukany apostał» Makajonka (Słavienski nacyjanalny teatr), «Paŭlinka» Ja.Kupały (Kijeŭski akademičny teatr imia I.Franka), «Paroh» A.Dudarava (Łuryk-teatr, Biełfast, Irłandyja), «Revizor» M.Hohala (Dramatyčny teatr imia A.Vienhierki ŭ Biełastoku, Polšča).

Za zasłuhi ŭ raźvićci biełaruskaha teatralnaha mastactva ŭ 1976 hodzie jamu było prysvojena hanarovaje zvańnie «Zasłužany dziejač mastactvaŭ BSSR», a ŭ 1998 hodzie zvańnie «Narodny artyst Respubliki Biełaruś». U 2004 hodzie za značny asabisty ŭkład u raźvićcio biełaruskaha teatralnaha mastactva i zasłuhi ŭ vychavańni tvorčaj moładzi ŭnaharodžany Ordenam Francyska Skaryny.

Doŭhi čas źjaŭlaŭsia prafiesaram Biełaruskaj akademii mastactvaŭ i vychavaŭ vialikuju plejadu talenavitaj tvorčaj moładzi, akcioraŭ i režysioraŭ, jakija pracujuć siońnia ŭ roznych teatrach Biełarusi.

Dva hady tamu Valeryj Rajeŭski razam z synam zapisaŭ rep

• 0
• 0
• 0
• 0
• 0
• 0
• 0
• 0