Kiraŭnictva partału vyrašyła raźmiaścić hutarku sa śpievakom, nie skaračajučy jaje.
Nahadajem, što siońnia ŭdzień Lavon Volski prezientavaŭ svaju knihu «Miłaruś» u žyvym efiry na partale TUT.BY. Adnak padčas vykanańnia adnoj ź piesień kiraŭnictva partała vyrašyła pierarvać tranślacyju.
Cpiavak raskazaŭ, što na TUT.BY nie pakryŭdziŭsia, a pavodziny kiraŭnictva partała nazvaŭ zahadkavymi.
Lavon Volski: «Tam nie było nijakaj kramoły… Dla mianie ŭvohule było navinoj, kali ja viarnuŭšysia dadomu daviedaŭsia pra spynieńnie tranślacyi. Heta była ŭsiaho tolki satyryčnaja pieśnia pra pryhody Saŭki padčas vybarčaj kampanii, kali jon byŭ staršynioj na adnym z vybarčych učastkaŭ… Pavodziny kiraŭnictva partału dla mianie zahadkavyja. Takoje rašeńnie pryciahnie niepatrebnuju uvahu».
Jeŭraradyjo taksama źviarnułasia pa kamientar da redaktarki partała TUT.BY Maryny Zołatavaj.
Jana nazvała spynieńnie tranślacyi vystupu muzyki «impulsiŭnym rašeńniem».
Maryna Zołatava: «Rašeńnie adklučyć tranślacyju było impulsiŭnym. Niekalki hadzinaŭ my nie viedali, što rabić z zapisanym materyjałam. Nie mahli pryniać rašeńnia. Adnak u vyniku my vyrašyli, što ŭsio ž źmieścim materyjał całkam — z usimi pieśniami Lavona.
Intervju budzie pastaŭlena całkam. Mianie asabista vielmi ździŭlaje reakcyja ŚMI.Usie na pieršych staronkach źmiaścili infarmacyju ab hetym, jak byccam u krainie bolš ničoha važnaha nie adbyvałasia. Na pieršym płan vyjšła cenzura na TUT.BY».
Kamientary