Namieśnik kiraŭnika Administracyi prezidenta Biełarusi Andrej Kabiakoŭ, vierahodna, budzie pryznačany pasłom u Rasii.
7 kastryčnika na pres-kanfierencyi dla rasijskich ŚMI Alaksandr Łukašenka dvojčy nazvaŭ Kabiakova «budučym pasłom u Rasii». «Andrej Uładzimiravič Kabiakoŭ, ja dumaju, budučy pasoł u Rasii. Mnie, havorać, jak heta pasoł tam budzie, u jaho kvatera, jašče ŭciače. Kudy jon uciače? Kvatera, ja viedaju, dzie znachodzicca. U nas pałova — ruskich ludziej. Biełarusaŭ va ŭradzie Rasijskaj Fiederacyi niama. Napeŭna, nie vielmi vy daviarajecie nam», — vykazaŭ mierkavańnie Łukašenka.
Jon taksama zajaviŭ: «Ja dumaju, što Andrej Uładzimiravič, kali pryjedzie pasłom u Rasiju, budzie vykarystoŭvać Baradzina (eks-dziaržsakratar Sajuznaj dziaržavy Pavieł Baradzin) na ŭsiu katušku. Ja dumaju, dypłamatyčny pašpart biełaruski my vydzielim jamu dla taho, kab jon byŭ bolš svabodny ŭ svaich pieramiaščeńniach».
Miarkujučy pa słovach kiraŭnika dziaržavy, havorka idzie ab majučych adbycca kadravych pierastanoŭkach. Ciapier pasłom Biełarusi ŭ Rasii źjaŭlajecca Vasil Dałhaloŭ, pryznačany na hetuju pasadu ŭ žniŭni 2006 hoda.
U MZS Biełarusi hetyja vykazvańni Alaksandra Łukašenki kamientavać nie stali.
Kamientary