«…Mahli b skłaści pieśniu kštałtu “Sižu na narach, kak karol na imieninach, i Paźniaka palapvaju pa plačy”. Nu i što — kultura pavinna heta kamentavać?»
Staršynia Kanservatyŭna‑Chryścijanskaj partyi BNF Zianon Paźniak vykazaŭ svajo mierkavańnie pra ananimny tekst «Zianon‑Chop», jaki apošnimi tydniami bje rekordy papularnaści ŭ biełaruskim siecivie.
Paźniak: «Heta źjava całkam marhinalnaja i lažyć pa‑za miežami našaj kultury. Tamu jana nie kamentujecca ŭ kulturnym hramadztvie. Jość roznyja marhinalnyja hrupy, navat, skažam, składajuć pieśni ŭ turmie, mahli b skłaści pieśniu kštałtu “Sižu na narach, kak karol na imieninach, i Paźniaka palapvaju pa plačy”. Nu i što — kultura pavinna heta kamentavać? Kultura nie kamentuje takich rečaŭ, tamu što nia moža dno być viercham. Jość peŭnyja praviły ŭ mastactvie, u kultury, u dačynieńniach. I tamu ja nijakich kamentaroŭ nie daju pa sutnaści taho, što napisana, tamu što heta nie zadača kulturnych ludziej i nie zadača srodkaŭ masavaj infarmacyi».
Zianon Paźniak kaža, što pračytaŭ tekst paśla taho, jak jamu zatelefanavaŭ siabra i dasłaŭ jamu Internet‑spasyłku.Paźniak: «Ja dakładna nia pamiataju — zdajecca, ŭ Jullana Nimceviča była naveła ci siužet. Jość fartepijana, biełaje vydatnaje, na im hrajuć, składajuć symfonii, vydatnuju muzyku. Potym biaruć fartepijana i vykidajuć ŭ vakno na bruk. Jano raźbivajecca na drobnyja kavałački. I dalej idzie sentencyja – «ideał sienhnuł bruku» – u pierakładzie «ideał dajšoŭ da dna». Dyk voś paŭtaraju — dno nia moža być viercham».
My zapytalisia ŭ Zianona Paźniaka ci ličyć jon, što ananimny tekst skiravany suprać jaho, jak palityka.
Paźniak: «Čałaviek, jaki heta pisaŭ, nie čakaŭ vyniku, jaki atrymajecca. Tamu jon zakryŭ svoj błoh i nie adzyvajecca. Chutčej za ŭsio, što heta tak, što vynik akazaŭsia zusim inšym. Ja b nie skazaŭ by, što tam paśladoŭnaja nianaviść da majho imia vyražanaja, nie — atrymałasia naadvarot. Ale paŭtaraju ‑ heta nia tema dla kulturnaha abmierkavańnia».
-
Cyhankoŭ: Babaryka značna bližejšy da pazicyi ofisa Śviatłany Cichanoŭskaj, čym da vykazvańniaŭ «babarykancaŭ»
-
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»
-
«Mnie kazali: ty havoryš jak kanadski emihrant». Siarhiej Šupa raskazaŭ pra Vilniu 90-ch, paraŭnańnie litoŭskaj litaratury ź biełaruskaj i adroźnieńni pamiž narodami
Ciapier čytajuć
Palčys, Andrejeva, Łojka i inšyja imiony — paśla vizitu amierykanskich dypłamataŭ u Minsk vyzvalili partyju palitviaźniaŭ7
Kamientary