U ZŠA na pažyćciovaje źniavoleńnie asudžany lidar marmonaŭ-šmatžoncaŭ
Sud vykarystaŭ jahonyja ŭłasnyja aŭdyjo- i videazapisy «niabiesnych siesij».
Lidarmarmonaŭ-mnahažoncaŭ Uoren Džefs asudžany na pažyćciovaje źniavoleńnie za seksualny hvałt nad dźviuma niepaŭnaletnimi dziaŭčatami. Jamu treba budzie pravieści za kratami jak minimum 45 hadoŭ, pierš čym jon atrymaje prava naŭmoŭna-daterminovaje vyzvaleńnie. Da momantu mahčymaha vyzvaleńnia hałoŭnamu marmonu maje spoŭnicca sto hadoŭ.
Takim čynam, jon atrymaŭ maksimalnaje pakarańnie za svaje złačynstvy. Sud pryniaŭ rašeńnie ŭsiaho za 40 chvilin.
Pažyćciovy termin Džefs atrymaŭ za seksualny hvałt nad
Jon uznačalvaŭ fundamientalisckuju carkvu Isusa Chrysta śviatych apošnich dzion, jakaja prapaviedavała palihamiju jak sposab jadnańnia z Boham. Aficyjnyja cerkvy marmonaŭ admovilisia ad praktyki šmatžonstva ŭ 1890 hodzie pad ciskam urada ZŠA — takaja była ŭmova ŭvachodžańnia štata Juta ŭ skład dziaržavy.
Na minułym tydni prysiažnyja vynieśli abvinavaŭčy vierdykt pa hetaj spravie. Prakuror Eryk Nikałs śćviardžaŭ, što pažyćciovy termin dazvolić abaranić ad Džefsa inšych ludziej.
Paśla vyniasieńnia vierdyktu Džefs zajaviŭ u sudzie, što byŭ pasłany Boham, jaki nibyta paabiacaŭ nasłać na ziamlu «vichuru pravasudździa», kali jaho «pakorny słuha» nie budzie vyzvaleny,paviedamlaje The Telegraph. «Ja pakažu vam svaju siłu. Ja budu sudzić vas. Chaj usie narody daviedajucca pra vašaje niespraviadlivaje rašeńnie. Ja pašlu biedstva na akruhi, kab prakurorskuju starannaść ucichamiryli chvaroby i śmierć», — začytvaŭ Džefs z papierak «pasłańnie Hospada», cytuje The Gardian.
Padčas sudovaha raźbiralnictva prakurory prademanstravali prysiažnym vyniki
«Prarok» ličyŭ kaštoŭnaj dla historyi kožnuju chvilinu svajho žyćcia i amal usio zapisvaŭ na dyktafon.Na inšych zapisach Džefs instruktuje nie mienš za tuzin svaich maładych žonak (usiaho ich było 78. Dvaccaci čatyrom ź ich było mienš za 17 hadoŭ), jak dahadzić jamu ŭ seksualnych uciechach. Jon tłumačyŭ im, što takim čynam jany dahadžajuć Bohu. Lidar siekty nazyvaŭ zaniatki seksam «niabiesnymi siesijami» i raskazvaŭ dziaŭčynkam, što im treba hetym ź im zajmacca, kab adkupić hrachi. Na jašče adnoj stužcy zapisany niepasredna połavy akt na ranča «Tuha pa Sijonie» ŭ Eldarada.
«Kali b śviet viedaŭ, što ja rablu, mianie b paviesili na samym vysokim drevie», — napisaŭ jon u 2005 hodzie ŭ svaim dziońniku, jaki naličvaje tysiaču staronak i byŭ kanfiskavany razam z aŭdyjozapisami padčas pieratrusu na jaho ranča ŭ Techasie.
Na sudzie Džefs śćviardžaŭ, što parušanyja jaho relihijnyja pravy. Jon rehularna pierapyniaŭ praces, admoviŭšysia ad niekalkich advakataŭ, i moŭčki vysłuchaŭ abvinavaŭčy vierdykt. Im byŭ vyklikany ŭsiaho adzin śviedka abarony — carkoŭny starasta, jaki začytaŭ śviatoje pisańnie marmonaŭ.
Fundamientalisckaja carkva Isusa Chrysta śviatych apošnich dzion maje bolš za 10 tysiač paśladoŭnikaŭ, jakija ličać Džefsa pradstaŭnikom Boha na Ziamli.
Jaho ŭpłyŭ na paśladoŭnikaŭ, chutčej za ŭsio, nie asłabnie i paśla źniavoleńnia,adznačaje The Associated Press. «Pieravažnaja bolšaść ź ich prosta nie źbirajucca pakidać carkvu, — adznačaje daśledčyk šmatžonstva Atłanty Kien Dryhs. — U ich jość rodnasnyja i šlubnyja suviazi, i kultura takich pavodzin hłyboka ŭkaraniłasia ŭ ich viery».
Džefsa sudziać nie ŭpieršyniu. U vieraśni 2007 sud užo pryznaŭ jaho saŭdzielnikam dvuch epizodaŭ zhvałtavańnia byłoj žonki marmonaŭ Elis Uoł. Ale jaho paśladoŭnikaŭ z tych časoŭ mienš nie stała. Džefs vydaŭ zamuž
Džefs uznačaliŭ carkvu ŭ 2002 hodzie, paśla śmierci svajho baćki. «Ja dumaju, što jon relihijny vyčvareniec, — zajaviŭ były marmon Ryčard Chołm, jaki syšoŭ z carkvy ŭ 2003 hodzie, pakinuŭšy ŭ jaje ŭłońni troch žonak i 17 dziaciej. — Jaho kiraŭnictva całkam razburyła ŭsio, što było dobraha ŭ hetaj carkvie».
Kamientary