Žonka kandydata ŭ prezidenty na vybarach 2010 hoda Andreja Sańnikava, žurnalistka Iryna Chalip maje namier abskardzić vyniesieny joj pryhavor u Viarchoŭnym sudzie, a zatym źviarnucca ŭ Kamitet AAN pa pravach čałavieka. Pra heta jana zajaviła žurnalistam 19 lipienia paśla zakančeńnia razhladu kasacyjnaj skarhi ŭ Minskim haradskim sudzie.
«U nas užo jość takaja „dobraja“ sudovaja tradycyja, kali ty zahadzia viedaješ, jak usio budzie, što skažuć sudździ i prakuror, — skazała Chalip. — Ja nie vieru, što ŭ Viarchoŭnym sudzie razhladać buduć
Chalip zaznačyła, što chacieła b vykazać asablivuju padziaku svajmu advakatu Hańnie Bachcinaj: «Jaje vystupleńnie było bliskučym. Jana vystupiła nie tolki jak advakat, ale jak čałaviek i jak hramadzianin».
Jak paviedamiŭ BiełaPAN sustaršynia arhkamiteta pa stvareńni partyi «Biełaruskaja chryścijanskaja demakratyja», kiraŭnik pieradvybarnaha štaba Vitala Rymašeŭskaha Pavieł Sieviaryniec, jon taksama maje namier abskardzić pryhavor u Viarchoŭnym sudzie, a zatym źviarnucca ŭ Kamitet AAN pa pravach čałavieka.
19 lipienia Minharsud pakinuŭ bieź źmianieńniaŭ pryhavory Chalip (dva hady pazbaŭleńnia voli z adterminoŭkaj vykanańnia pryhavoru na dva hady), Sieviaryncu (try hady abmiežavańnia voli z nakiravańniem va ŭstanovu adkrytaha typu) i kiraŭniku pieradvybarnaha štaba Mikałaja Statkieviča Siarhieju Marcalevu (dva hady pazbaŭleńnia voli z vyprabavalnym terminam na dva hady).
«Dekałanizacyja — heta pryjści i zaniać svajo miesca». Nasta Rahatko budzie ŭdzielničać u fiestyvali rasijskaj knihi. Sulima jaje asudziŭ, jana nie zmaŭčała ŭ adkaz5858
Kamientary