«Stojačy tut, na traŭcy ŭ pramianiach červieńskaha sonca, pačuvaješsia niajomka, źviartajučysia da tych, chto hetaha sonca ciapier, chutčej za ŭsio, nie bačyć».
U miežach admysłovaj akcyi telebačańnia «Biełsat» bolš za tryccać viadomych asobaŭ Biełarusi dy śvietu vystupiać z pasłańniami da biełaruskich palityčnych źniavolenych. Siarod ich i śpiavak, lidar hurtu J:mors Uładzimir Puhač. «Stojačy tut, na traŭcy ŭ pramianiach červieńskaha sonca, pačuvaješsia niajomka, źviartajučysia da tych, chto hetaha sonca ciapier, chutčej za ŭsio, nie bačyć. I mała suciašajuć słovy pra toje, što pakutavać za svaje pierakanańni hanarova — chaciełasia b pabačyć rodnych: baćkoŭ, dziaciej, žonku, muža. Ja b chacieŭ vam pažadać, kab jak najchutčej svaboda vas sustreła radasna la ŭvachodu, nu a braty, jak viadoma, mieč vam addaduć».
Karotkija roliki buduć iści štodnia paśla hałoŭnaha vydańnia «Abjektyvu» a 21.25, a taksama paśla paŭtoraŭ hałoŭnaha vydańnia infarmacyjnaj prahramy «Biełsatu» naprykancy tranślacyi dy ranicaju a 7.20. Klipy taksama buduć raźmieščanyja na sajcie telekanału www.belsat.eu.
Hledačy i prychilniki «Biełsatu» mohuć dałučycca da akcyi dy dasłać svaje roliki sa słovami padtrymańnia biełaruskich palitviaźniaŭ na adras [email protected]. List maje ŭtrymlivać vašuju piśmovuju zhodu na biazvypłatnaje źmiaščeńnie videazvarotu na staroncy www.belsat.eu, a taksama ŭ efiry telekanału.
Ciapier čytajuć
«Narod pamiraje, i balnic nie treba. Hałoŭnaje prezidenckaja i deputackaja!!!». Što ludzi pišuć pra zakryćcio reabilitacyjnaha centra na Homielščynie1010
«Narod pamiraje, i balnic nie treba. Hałoŭnaje prezidenckaja i deputackaja!!!». Što ludzi pišuć pra zakryćcio reabilitacyjnaha centra na Homielščynie10
Były muž błohierki, jakaja razam z 17‑hadovym žanichom šykavała na sabranaje dla chvoraha dziciaci, raskrytykavaŭ tych, chto hetyja hrošy joj pieravodziŭ2222
Kamientary