«Makdonalds» i «Jevrosieť» admaŭlajucca ad pretenzij da ŭdzielnikaŭ płoščy

Dźvie paznavalnyja karparacyi «Makdonalds» i «Jevrosieť» nibyta stali hałoŭnymi paciarpiełymi ad «złačynnych dziejańniaŭ» piaci kandydataŭ u prezydenty, jakija znachodziacca ciapier pad kryminalnym pieraśledam. Ad imia kampanijaŭ prakuratura abvinavačvaje ich u zryvie pracoŭnaha dnia i naniasieńni škody ŭ vyhladzie «ŭpuščanaj vyhady».

«Makdonalds» vinavaciać u tym, što jon zapluščvaje vočy na ​​hrubaje parušeńnie pravoŭ čałavieka ŭ Biełarusi paśla taho, jak pakazańni hetaj suśvietnaj sietki fast-fudu byli vykarystanyja rabotnikami prakuratury ŭ pracesach suprać demakratyčnych aktyvistaŭ», piša The Independent.

Jak vynikaje z kopij abvinavaŭčych zaklučeńniaŭ, jakija apynulisia ŭ rasparadžeńni The Independent, adno z abvinavačvańniaŭ zaklučajecca ŭ tym, što pratestujučyja nanieśli škodu na sumu 8,4 młn. biełaruskich rubloŭ pradpryjemstvu «Makdonalds», jakoje pryjšłosia časova zakryć.

Iryna Bahdanava, siastra byłoha kandydata na prezydenty Andreja Sańnikava, jakoha sudziać ciapier u Miensku, zajaviła, što «Makdonalds» musić admovicca ad vykarystańnia ŭ sudzie pradstaŭlenaj im infarmacyi.

Na sudzie ŭ spravie Andreja Sańnikava dziaržaŭny abvinavaŭca Anton Zahorski paviedamiŭ, što sumu ŭronu «Makdonalds» padličyŭ sam i nakiravaŭ adpaviednuju papieru ŭ prakuraturu. I ŭžo prakuratura budzie ad imia kampanii vystaŭlać abvinavačanymi rachunki, — piša «Novaja hazieta». Ale praź niekatory čas z udakładnieńniami vystupiŭ pradstaŭnik «Makdonaldsu» ŭ Biełarusi Artur Juran i zajaviŭ, što nijakich finansavych pretenzijaŭ da kandydataŭ karparacyja nia maje. Paćviardžaŭ jon heta raniej i ŭ interviu Radyjo Svaboda.

Kampanija «Jevrosieť» taksama admoviłasia ad pretenzijaŭ, vyłučanych prakuraturaj.

Ale, tym nia mienš, nakiravała ŭ sud svajho pradstaŭnika, kab toj śviedčyŭ ab zakryćci handlovaj kropki z-za demanstracyi.

«Pradstaŭnik kampanii byŭ vyklikany na pasiadžeńnie sudu ŭ jakaści śviedki, dzie paćvierdziŭ, što pretenzijaŭ da kaho-niebudź u našaj kampanii niama, jak niama i škody», — skazała ŭ interviju «Novoj hazietie» presavaja sakratarka hrupy kampanijaŭ «Jevrosieť» Ullana Smolskaja/b> z Maskvy.

Pradstaŭnik «Makdonaldsu» Džardžyna Midłtan zajaviła pra adsutnaść pretenzijaŭ: «Achova restaranu była mocna zaniepakojenaja biaśpiekaj jak našych naviedvalnikaŭ, tak i persanału. Było pryniataje rašeńnie zakryć restaran raniej času. My dali infarmacyju ŭ adkaz na aficyjny zapyt. My nia majem ni da kaho nijakich pretenzij ab kampensacyi škody».

«U Miensku iduć čutki, što na „Makdonalds“ i „Jevrosieť“ cisnuć biełaruskija ŭłady, kab tyja bolš kateharyčna vykazalisia čsuprać abvinavačanych. I nibyta namiakajuć na prablemy ź biznesam», — piša «Novaja hazeta».

U toj ža čas «The Independent» pryvodzić słovy Majka Charysa (Mike Harris) z «Indeksu cenzury», jaki ličyć, što zajmajučy takuju pazycyju ŭ časie pakazalnych sudovych pracesaŭ u dziaržavie savieckaha typu, «Makdonalds» robić sabie nia nadta dobruju pasłuhu. «Niajasna, navošta zachodniaj firmie ŭkładvać svaje investycyi tam, dzie z zakonam abychodziacca całkam advolna», — zajaviŭ jon.

• 0
• 0
• 0
• 0
• 0
• 0
• 0
• 0