Sakavickaja statystyka: Biełaruś pa-raniejšamu žyła nie pa srodkach
Efiektyŭnaść abmiežavańniaŭ na valutnym rynku možna budzie acanić tolki pa vynikach krasavika.
U Biełarusi ŭ sakaviku 2011 hoda admoŭnaje salda źniešniaha handlu tavarami i pasłuhami skłała $880 młn suprać $921 młn u lutym i $554 młn u studzieni biahučaha hoda, śviedčać źviestki Nacbanka.
Jak vidać, abmiežavańni, uviedzienyja na valutnym rynku ŭ sakaviku, dali peŭny, ale tolki nievialiki efiekt. Praŭda, napoŭnicu jany pačali dziejničać užo ŭ krasaviku. I mienavita statystyka krasavika pakaža, nakolki efiektyŭnyja jany dla źmianšeńnia zamiežnahandlovaha deficytu.
Nacbank mocna abmiežavaŭ mahčymaści dla kupli valuty, u tym liku dla avansavych płaciažoŭ za abstalavańnie. U toj ža čas rezkaje pavyšeńnie abmiennaha kursu dla pradpryjemstvaŭ pavysiła ceny na impartavanyja tavary, što pryviało da źnižeńnia popytu na ich. Usio razam heta pavinna pryvieści da źnižeńnia deficytu biahučaha rachunku.
Pryniatyja miery baluča ŭdaryli jak pa nasielnictvie, što pakutuje ad rostu cenaŭ i deficytu valuty, tak i pa častcy pradpryjemstvaŭ, zaviazanych na impartnyja kamplektujučyja. Adnak mierkavałasia, što takaja šokavaja terapija, prynamsi, uratuje krainu ad defołtu.
Ahułam pa vynikach pieršaha kvartała 2011 hoda admoŭnaje salda dasiahnuła $2355 młn, što u 3,5 razu bolš, čym u pieršym kvartale 2010 hoda.
Paśla 1 lipienia deficyt buhčaha rachunku maje źnizicca jašče j tamu, što paśla pierachodu Biełarusi na zaharadžalnyja rasijskija myty na ŭvoz aŭtamabilaŭ ich impart rezka źnizicca.
Ciapier čytajuć
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času2020
Kamientary