Kryminalnaja sprava ŭ dačynieńni da Statkieviča i Usa pieradadziena ŭ prakuraturu
29 sakavika śledčaje ŭpraŭleńnie papiaredniaha rasśledavańnia HUUS Minharvykankama nakiravała ŭ prakuraturu Minska dla nakiravańnia ŭ sud materyjały kryminalnaj spravy ŭ dačynieńni daeks-kandydataŭ u prezidenty Mikałaja Statkieviča i Dźmitryja Usa.
Ab hetym paviedamiła ŭpraŭleńnie infarmacyi i hramadskich suviaziej MUS Biełarusi.
18 sakavika abodvum byłym kandydatam u prezidenty było pradjaŭlena abvinavačańnie ŭ arhanizacyi masavych biesparadkaŭ 19 śniežnia 2010 hoda, jakija supravadžalisia nasillem nad asobaj, pahromami, źniščeńniem majomaści i ŭzbrojenym supraciŭleńniem pradstaŭnikam ułady (č. 1 art. 293 KK).
U haradskuju prakuraturu nakiravanyja taksama materyjały ŭ dačynieńni da prachodziačych pa hetaj spravie najbolš aktyŭnych, jak ich nazyvajuć u milicyi, udzielnikaŭ masavych biesparadkaŭ Alaksandra Kviatkieviča, Dźmitryja Bułanava, Andreja Paźniaka, Arcioma Hrybkova, abvinavačanych va ŭčynieńni złačynstva, praduhledžanaha č. 2 art. 293 KK i Alaksandra Kłaskoŭskaha, jaki abvinavačvajecca pa č.1 i č.2 art. 293 (arhanizacyja i ŭdzieł u masavych biesparadkach), art. 369 (źniavaha pradstaŭnika ŭłady) i art. 382 KK (samavolnaje prysvajeńnie zvańnia abo ŭłady słužbovaj asoby).
«Na dumku śledstva, vina hetych asob u inkryminujemych im dziejańniach poŭnaściu dakazana atrymanymi ŭ chodzie rasśledavańnia kryminalnaj spravy pakazańniami śviedak i inšych abvinavačanych, fota- i videamateryjałami, inšymi nieabvieržnymi dokazami», — havorycca ŭ paviedamleńni ŭpraŭleńnia infarmacyi i hramadskich suviaziej MUS.
Ciapier čytajuć
Kudy ciapier jeduć vučycca biełaruskija studenty — top krain i tendencyj8
Kudy ciapier jeduć vučycca biełaruskija studenty — top krain i tendencyj
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie7070
Kamientary