Suprać leśbijanak ja ničoha nie maju, ale hiejaŭ ja pasłaŭ by ŭ kałhasy – prykładna takoje zajaviŭ Łukašenka.
Suprać leśbijanak ja ničoha nie maju, ale hiejaŭ ja pasłaŭ by ŭ kałhasy — prykładna takoje zajaviŭ Łukašenka.
U časie polskaj unutrypalityčnaj dyskusii na hiejskuju tematyku ŭspłyŭ adzin śmiešny fakcik. Kamientujučy vykazvańni svajho adnapartyjca na temy homaseksualistaŭ, ministr zamiežnych spraŭ Polščy Radasłaŭ Sikorski paraŭnaŭ ich z łukašenkaŭskimi. Maŭlaŭ, zrobleny ŭ anałahičnym tonie.
Havorka była, jak treba razumieć, pra hrubavatyja žarty Łukašenki ŭ časie sustrečy ź ministrami zamiežnych spravaŭ Polščy i Niamieččyny, što adbyłasia pierad vybarami. Jak viadoma, niamiecki ministr i lidar libierałaŭ Hida Viesterviele — adkryty hiej. Jon žyvie, tak by mović, siamjoj ź siabrom.
Polski časopis «Uprost» raspytaŭsia ŭ adnaho z dypłamataŭ, u čym zaklučaŭsia žart. Akazałasia, u chodzie sustrečy ministraŭ z Łukašenkam była ŭźniataja tema mienšaściaŭ. U pryvatnaści, balučaja tema połśkaj mienšaści. Łukašenka zreahavaŭ na hetuju zajavu doŭhim manałoham. Urešcie z nacyjanalnych havorku pieravioŭ na seksualnyja mienšaści. Skazaŭ, što nie razumieje, jak mužčyna moža žyć z mužčynam. Viesterviele sumieŭsia, a Łukašenka pajšoŭ jašče dalej. Skazaŭ, maŭlaŭ, suprać leśbijanak ničoha nie maje, ale hiejaŭ jon by pasłaŭ u kałhasy pracavać.
Ministry Sikorski i Viesterviele pryjazdžali ŭhavorvać Łukašenku zrabić bačnaść svabodnych vybaraŭ. Adnak hetaha nie zdaryłasia, i paśla 19 śniežnia Polšča i Niamieččyna stali hałoŭnymi prychilnikami ćviordaj linii ŭ adnosinach ź Minskam.
Ciapier čytajuć
Stali viadomyja padrabiaznaści pra trahiedyju ŭ Połackim manastyry13
Stali viadomyja padrabiaznaści pra trahiedyju ŭ Połackim manastyry
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary