Kulašoŭ pačaŭ čystku «Ałmaza»

Ministr unutranych spraŭ Anatol Kulašoŭ svaim zahadam vyzvaliŭ ad zajmanaj pasady kamandzira śpiecpadraździaleńnia pa baraćbie z teraryzmam «Ałmaz» MUS Mikałaja Karpiankova. Zdaryłasia heta 27 śniežnia.

Va Upraŭleńni infarmacyi i hramadskich suviaziaš MUS hety fakt nam aficyjna prakamientavać nie zmahli, spasłaŭšysia na toje, što zahad ab vyzvaleńni pałkoŭnika Karpienkova «da ich słužby daviedzieny nie byŭ».

U toj ža čas, pa źviestkach Naviny.by, usiu minułuju tydzień u MUS išoŭ «razbor palotaŭ» pa dziejańniach strukturnych padraździaleńniaŭ viedamstva, jakija ŭdzielničali ŭ padziejach pa razhonie apazicyjnaj demanstracyi 19-20 śniežnia i zatrymańni jaje ŭdzielnikaŭ.

Nadta nie afišavałasia, ale ŭ mierapryjemstvach pa razhonu mitynhu la Doma ŭrada byli zadziejničanyja i bajcy «Ałmaza». Pryčym varta ŭličvać śpiecyfičnaść hetaha padraździaleńnia, supracoŭniki jakoha pracujuć «kropkava», akazvajučy siłavuju padtrymku inšym słužbam u zachopach i zatrymańniach. Nie vyklučana, što mienavita ŭ hetaj častcy «ałmazaŭcy», miakka kažučy, napartačyli, i da ich kamandziru ŭ kiraŭnictva MUS źjavilisia surjoznyja pretenzii, aformilisia ŭ zahad ab vyzvaleńni ad pasady, jakuju pałkoŭnik zajmaŭ z 2003 hoda.

U karyść hetaj viersii Naviny.by kaža toje, što Mikałaju Karpiankovu usiaho 42 hoda i na piensiju jaho adpraŭlać rana, jon całkam moh słužyć da dasiahnieńnia 50-hadovaha ŭzrostu. Vidavočna, što da peŭnaha času ŭ ministra ŭnutranych spraŭ Anatola Kulašova nie było asablivych pretenzij da kamandzira "Ałmazu".Karpiankoŭ ŭznačaliŭ heta padraździaleńnie ŭ bytnaść ministram ŭnutranych spravaŭ Uładzimira Navumava, jakoha ličać «prabaćkam» śpiecpadraździaleńnia «Ałmaz»; Navumaŭ sam byŭ pieršym kamandziram "Ałmazu".

Možna zaznačyć, što z byłym kiraŭnikom MUS Karpienkaŭ kaliści pracavaŭ u słužbie biaśpieki prezydenta. Uznačaliŭšy MUS u červieni 2009 hoda, Kulašoŭ realna moh pazbavicca ad «čałavieka Navumava». Adnak zroblena heta tolki ciapier.

Nahadajem, padčas razhonu milicejskim śpiecnazam apazicyjnaj demanstracyi viečaram 19 śniežnia ŭ Miensku było zatrymana zvyš šaścisot čałaviek, mnohija ŭdzielniki, u tym liku try kandydaty ŭ prezidenty, byli źbityja. Pa miedycynskuju dapamohu źviartalisia dziasiatki čałaviek.

U adroźnieńnie ad eks-ministra Navumava, Mikałaj Karpienkaŭ curaŭsia publičnaj žyćcia i ŭ abjektyŭ «nie lez». Amal na ŭsich fotazdymkach jaho tvar razmyty. Pra jaho viadoma zusim niašmat. U 1992-1994 hadach jon źjaŭlaŭsia kamandziram bajavoj hrupy padraździaleńnia «Bierkut», na bazie jakoha ŭ 1994 hodzie i byŭ stvorany «Ałmaz». Zatym słužyŭ u «inšych miescach», ź ich viadoma tolki adno: słužba biaśpieki prezidenta. Śpiecpadraździaleńnie pa baraćbie z teraryzmam «Ałmaz» Karpiankoŭ ŭznačaliŭ u 2003 hodzie. U lutym 2004 hoda ŭkazam prezidenta jamu było daterminova prysvojena zvańnie pałkoŭnika.

Niezaležnyja ŚMI źviarnuli ŭvahu na Mikałaja Karpiankova padčas papiaredniaj kampanii pa vybarach prezidenta. Pavodle nieaficyjnych dadzienych, mienavita pad kiraŭnictvam pałkoŭnika Karpiankova 2 sakavika 2006 hoda bajcy «Ałmaza» zatrymali kala Pałaca čyhunačnikaŭ kandydata ŭ prezidenty Alaksandra Kazulina, jaki sprabavaŭ zarehistravacca delehatam treciaha Usiebiełaruskaha narodnaha schodu.

• 0
• 0
• 0
• 0
• 0
• 0
• 0
• 0