Alaksandr Łukašenka padziakavaŭ misii naziralnikaŭ ad SND za acenku vybaraŭ u Biełarusi.
Sustrakajučysia 21 śniežnia ŭ Minsku sa staršynioj Vykankama SND Siarhiejem Lebiedzievym, Łukašenka «padziakavaŭ u jaho asobie ŭsioj misii za praviedzienuju joju kałasalnuju rabotu», havorycca ŭ paviedamleńni
«Za toje zaklučeńnie, jakoje prahučała z vašych vusnaŭ, ja vam vielmi ŭdziačny. Mnie zdajecca, što tut niama nijakich naciažak. Kali raptam niejkija šurpataści byli, vy skažycie. Vy čałaviek zacikaŭleny ŭ tym, kab u krainie byŭ paradak, kab jana raźvivałasia. Heta nie čužaja vam kraina», — skazaŭ Łukašenka.
Na jaho dumku, dla naziralnikaŭ «byli stvorany samyja spryjalnyja ŭmovy, jany mieli dostup da lubych učastkaŭ i vałodali masaj infarmacyi».
Łukašenka zajaviŭ, što ŭ dziaržavy było žadańnie pieratvaryć vybary ŭ śviata: «Nijakaha tut farsa nie było.
Heta padziaka našamu narodu za jaho ciarpieńnie, za tyja pośpiechi, jakija byli».
«My sapraŭdy mieli svabodny dostup na ŭsie vybarčyja ŭčastki, va ŭsich orhanach ułady pradastaŭlałasia nieabchodnaja infarmacyja, — skazaŭ Lebiedzieŭ. — My ŭsiudy sustrakali padtrymku, adčuvali adkrytaść usich struktur ułady, adčuvali dapamohu ŭ našaj pracy. I heta dapamahło vykanać našu zadaču — uvažliva, abjektyŭna, što važna, biesstaronna acanić chod padrychtoŭki prezidenckich vybaraŭ, sam praces hałasavańnia, padliku hałasoŭ».
Jon padkreśliŭ, što acenka, jakuju zrabiła misija SND, — heta adnadušnaja dumka ŭsich pradstaŭnikoŭ dzieviaci dziaržaŭ Sadružnaści, jakija ŭvachodzili ŭ jaje skład.
Vykanaŭčy sakratar SND vykazaŭ mierkavańnie adnosna taho, čamu ŭ vyniku razyšlisia acenki naziralnikaŭ misij ad SND i ABSIE. Pavodle jaho słoŭ, 19 śniežnia naziralniki misii ad SND sustrakalisia z dastatkova šmatlikaj delehacyjaj ad ABSIE. Acenki dźviuch misij byli vielmi blizkija nakont pracesu i padrychtoŭki vybaraŭ, hałasavańnia. «Naziralniki ad ABSIE tady pryznavali, što hety praces dastatkova adkryty. Naziralniki ad Zachadu sustrakali takuju ž adkrytaść i dobrazyčlivy padychod z boku ŭsich struktur ułady. Nidzie nie rabiłasia nijakich pieraškod dla ich pracy. Ale, na žal, acenka źmianiłasia 20 śniežnia», — skazaŭ Lebiedzieŭ.
«Adnak my ličym, što toje, što adbyłosia viečaram u Minsku, zusim nie źviazana z vybarami. Vybary tolki pasłužyli padstavaj dla taho, kab ažyćciavić hetuju pravakacyju», — zajaviŭ vykanaŭčy sakratar SND.
«Značnaja častka hutarki» Łukašenki i Lebiedzieva była pryśviečana abmierkavańniu stanu spraŭ u SND, pracy Vykankama SND i jaho
Kamientary