Forvard minskaha «Dynama»: Kamunizm — heta sapraŭdnaja dyktatura
Pra heta Jozef Štumpieł zajaviŭ u intervju goals.by.
Słavacki forvard chakiejnaha «Dynama» Jozef Štumpieł u intervju goals.by raspavioŭ, čamu jon vyrašyŭ pahulać u KCHŁ, z-za čaho pakinuŭ «Barys» i čym pryciahnuŭ jaho Minsk, vykazaŭ svajo mierkavańnie pra kamunistaŭ, Hlena Chenłana, holf, futboł i tenis, raspavioŭ ab siabroŭstvie ź Zihmundam Pałfi i Uładzimiram Cypłakovym, a taksama pryznaŭsia ŭ lubovi da rodnaj Słavakii.
- Jozef, vierniemsia ŭ samy pačatak siezonu. Raskažycie, čamu vy pakinuli Astanu?
-- Sychod z «Barysa» adbyŭsia pavodle majoj inicyjatyvy. Mnie prapanoŭvali pahulać u Astanie jašče adzin hod, ale ja chacieŭ być bližej da domu, da Słavakii. Ja zrabiŭ heta dla siamji. Astana – usio ž dalekavata znachodzicca ŭ hieahrafičnym płanie.
Ale ž zarpłata ŭ «Barysa» u vas była bolšaj, čym u «Dynama».
-- Paŭtarusia, źjechaŭ adtul z-za siamji. A hrošy ... Za svajo žyćcio ja ich dosyć zarabiŭ, kab ciapier nie stavić na pieršy płan.
Majoj siamji ŭ Kazachstanie nie vielmi padabałasia.
-- Možacie paraŭnać Minsk i Astanu?
-- U Kazachstanie zimoj vielmi choładna. Lepš naohuł nie vychodzić na vulicu. Minsk – bližej da Jeŭropy. Možna navat telebačańnie słavackaje ŭ Biełarusi pahladzieć. Avijaznosiny sa Słavakijaj lepšyja. U Astanie 2 ci 3 rejsy ŭ tydzień, u Minsku – choć kožny dzień lotaj.
Vy źjazdžali ŭ NCHŁ u samym pačatku 90-ch hadoŭ minułaha stahodździa. Vas nie sprabavali ŭtrymać? Nie pryjšłosia ci lacieć u Paŭnočnuju Amieryku tajkom, chavajučysia ad uładaŭ?
- Pierad adjezdam u NCHŁ ja hulaŭ u Hiermanii, u jakuju źjechaŭ z Słavakii biez prablem. Biez prablem palacieŭ i ŭ ZŠA. A nakont tajemnych uciokaŭ chakieistaŭ, heta było pry kamunistach, pry ich sapraŭdy nikudy nielha było vyjechać
- A jak vy naohuł staviciesia da takoha palityčnaha ładu, jak kamunizm?
- Svabody niama nijakaj, heta samaja sapraŭdnaja dyktatura.
- Za stolki hadoŭ, pražytych u ZŠA, vy nie stali amierykancam? Dzie płanujecie žyć paśla zakančeńnia karjery?
ZŠA, biezumoŭna, dali mnie vielmi šmat,
ale ja - słavak, zaŭsiody byŭ im i nazaŭždy im zastanusia.
Ja vielmi lublu svaju radzimu, pastajanna pryjazdžaŭ dadomu paśla kožnaha siezona ŭ NCHŁ, zaŭsiody imknuŭsia hulać za zbornuju. Paśla zaviaršeńnia karjery asabista ja chaču viarnucca ŭ Słavakiju i žyć tam, ale zrablu tak, jak vyrašyć siamja (u Jozefa Štumpieła – troje dzietak).
Poŭnaja viersija intervju Jozefa Štumpieła
«Ja nie bomž, u mianie navat biełyja škarpetki». U Minsku dziaŭčyna z Łuhanska raskłała pałatku prosta ŭ padjeździe šmatpaviarchovika, ustryvožyŭšy žycharoŭ2121
Kamientary